ക്രാന്‍ബെറി അഥവാ ലോലോലിക്ക മിക്ക വീടുകളുടെയും മുറ്റത്ത് കാണാറുണ്ട്. എന്നാല്‍ ഇതിന്റെ ആരോഗ്യ ഗുണങ്ങള്‍ എന്തൊക്കെയെന്ന് തിരിച്ചറിയാതെ അവഗണിക്കുന്നവരാണ് മിക്കവരും. ആന്റി ഓക്‌സിഡന്റുകളുടെ കലവറയാണിവ. വിറ്റാമിന്‍ സി, കെ, ഇ, അയേണ്‍, പൊട്ടാസ്യം, കാത്സ്യം, നാരുകള്‍ തുടങ്ങിയവ അടങ്ങിയതാണ് ക്രാന്‍ബെറി. ഡയറ്റില്‍ ലോലോലിക്ക ഉള്‍പ്പെടുത്തുന്നത് കൊണ്ടുള്ള ആരോഗ്യ ഗുണങ്ങള്‍ ഇവയൊക്കെയാണ്…
1. മൂത്രനാളിയിലെ അണുബാധ (UTIs) തടയുന്നു
ക്രാന്‍ബെറികള്‍ ഒരുപക്ഷേ ഏറ്റവും കൂടുതല്‍ അറിയപ്പെടുന്നത് യുടിഐകളെ തടയാന്‍ സഹായിക്കുമെന്ന് പേരിലാണ്. അതിനാല്‍ നിത്യേന ക്രാന്‍ബെറി ജ്യൂസ് കുടിക്കുകയാണെങ്കില്‍ മൂത്രാശയ അണുബാധയെ ഒഴിവാക്കാന്‍ സഹായിക്കും. മൂത്രനാളിയിലെ അണുബാധകള്‍ ചിലപ്പോഴൊക്കെ വൃക്കകളിലെത്തി പ്രശ്‌നം സൃഷ്ടിക്കാറുണ്ട്. ആന്റി ഓക്സിഡന്റുകള് അടങ്ങിയ ക്രാന്‍ബെറി ഈ സാഹചര്യം ഒഴിവാക്കുന്നു.
2. ഹൃദയാരോഗ്യം
ക്രാന്‍ബെറികളില്‍ ആന്റി ഓക്സിഡന്റുകളും ഫ്‌ലേവനോയ്ഡുകളും അടങ്ങിയിട്ടുണ്ട്. ഇത് ഹൃദയ സംബന്ധമായ അസുഖങ്ങളുടെ സാധ്യത കുറയ്‌ക്കാന്‍ സഹായിക്കുന്നു. ഇവ പതിവായി കഴിക്കുന്നത് ചീത്ത കൊളസ്‌ട്രോള്‍ കുറയ്‌ക്കാനും ആരോഗ്യകരമായ കൊളസ്‌ട്രോള്‍ നിലനിര്‍ത്താനും ഹൃദയാരോഗ്യം സംരക്ഷിക്കാനും സഹായിക്കുന്നു.
3. ചര്‍മ്മത്തിന്റെ ആരോഗ്യം
ക്രാന്‍ബെറികളില്‍ വിറ്റാമിന്‍ സി അടങ്ങിയിട്ടുണ്ട്. ഇത് കൊളാജന്‍ ഉല്‍പാദനത്തിന് ആവശ്യമായ പോഷകമാണ്. ഇത് ചര്‍മ്മത്തിലെ ചുളിവുകളെയും നേര്‍ത്ത വരകളെയും തടയാനും ചര്‍മ്മത്തിന്റെ ആരോഗ്യം സംരക്ഷിക്കാനും സഹായിക്കും.
4. ദഹനം
നാരുകള്‍ അടങ്ങിയ ക്രാന്‍ബെറികള്‍ കഴിക്കുന്നത് ദഹനം മെച്ചപ്പെടുത്താനും മലബന്ധത്തെ അകറ്റാനും സഹായിക്കും. കൂടാതെ കുടലിന്റെ ആരോഗ്യം സംരക്ഷിക്കാനും ഇവ സഹായിക്കും.
5. രോഗ പ്രതിരോധശേഷി കൂട്ടാന്‍
വിറ്റാമിന്‍ സി, ആന്റി ഓക്സിഡന്റുകള് എന്നിവയാല്‍ സമ്പുഷ്ടമായ ക്രാന്‍ബെറി രോഗ പ്രതിരോധശേഷി വര്‍ധിപ്പിക്കാനും സഹായിക്കും.
6. ശരീരഭാരം കുറയ്‌ക്കാന്‍
വണ്ണം കുറയ്‌ക്കാന്‍ ആഗ്രഹിക്കുന്നവര്‍ക്ക് ക്രാന്‍ബെറി ജ്യൂസ് ഡയറ്റില്‍ ഉള്‍പ്പെടുത്തുന്നത് നല്ലതാണ്. നാരുകള്‍ അടങ്ങിയ ഇവ വിശപ്പ് കുറയ്‌ക്കാനും അതോടൊപ്പം ശരീരത്തില്‍ ഫാറ്റ് അടിയുന്നത് തടയാനും സഹായിക്കും. ക്രാന്‍ബെറിയില്‍ കലോറിയും കുറവാണ്.
7. ചില ക്യാന്‍സറുകളുടെ സാധ്യത കുറയ്‌ക്കുന്നു
ക്രാന്‍ബെറിയിലെ ഉയര്‍ന്ന ആന്റി ഓക്സിഡന്റ് ഉള്ളടക്കം സ്തനാര്‍ബുദം പോലുള്ള ചില ക്യാന്‍സറുകളുടെ സാധ്യത കുറയ്‌ക്കാന്‍ സഹായിക്കും.
8. എല്ലുകളുടെ ആരോഗ്യം
ക്രാന്‍ബെറികളില്‍ വിറ്റാമിന്‍ കെ അടങ്ങിയിട്ടുണ്ട്. ഇത് അസ്ഥികളുടെ ആരോഗ്യം നിലനിര്‍ത്തുന്നതിനും ഓസ്റ്റിയോപൊറോസിസ് സാധ്യത കുറയ്‌ക്കുന്നതിനും സഹായിക്കും. വിറ്റാമിന്‍ കെ കാത്സ്യത്തിന്റെ ആഗിരണത്തെ മെച്ചപ്പെടുത്തും.
9. ദന്താരോഗ്യം
ദന്താരോഗ്യത്തിനും ഇവ സഹായിക്കും. ലോലോലിക്ക കഴിക്കുന്നത് കണ്ണുകളുടെ ആരോഗ്യത്തിനും ഓര്‍മ്മശക്തി കൂട്ടാനും നല്ലതാണ്.
പ്രതികരിക്കാൻ ഇവിടെ എഴുതുക: