കുർണൂൽ ; ആന്ധ്രാപ്രദേശിലെ കുർണൂൽ ജില്ലയിൽ തുംഗഭദ്ര പൈപ്പ് ലൈനിൽ ചോർച്ച . 50 ഏക്കറോളം കൃഷി വെള്ളത്തിലായി. പരുത്തി കൃഷിയടക്കം വെള്ളത്തിൽ മുങ്ങിയ നിലയിലാണ് . കോസ്ഗി മണ്ഡലത്തിലെ സതനൂരിന് സമീപമാണ് സംഭവം.
പുളിക്കനുമ പമ്പ് ഹൗസിന്റെ പൈപ്പ് ലൈൻ പൊട്ടി 2 ദിവസം പിന്നിട്ടിട്ടും അധികൃതർ അറ്റകുറ്റപ്പണി നടത്താത്തതിൽ നാട്ടുകാരും കർഷകരും അമർഷം പ്രകടിപ്പിച്ചു. പൈപ്പ് ലൈൻ പൊട്ടി വൻതോതിൽ വെള്ളം പാടങ്ങളിലേക്ക് ഒഴുകുകയാണ്. ഇത് കൂടുതൽ കൃഷിനാശം വരുത്താൻ സാധ്യതയുണ്ട്.
ഉത്സവ സീസൺ ലക്ഷ്യമിട്ട് കടം വാങ്ങി കൃഷി ചെയ്തതാണെന്നും , ലക്ഷങ്ങളുടെ നഷ്ടമാണ് നേരിട്ടിരിക്കുന്നതെന്നും കർഷകർ പറഞ്ഞു.
