മോസ്കോ : പ്രധാനമന്ത്രി നരേന്ദ്രമോദിയുമായുളള സൗഹൃദബന്ധത്തെ പറ്റി പറഞ്ഞ റഷ്യൻ പ്രസിഡന്റ് വ്ലാഡിമർ പുടിന്റെ വാക്കുകൾ സോഷ്യൽ മീഡിയയിൽ വൈറലാകുന്നു . ഇരുവരും തമ്മിലുള്ള കൂടിക്കാഴ്ചയ്ക്കിടെ പുടിന്റെ ചില പരാമർശങ്ങൾ കേട്ട് പൊട്ടിച്ചിരിക്കുന്ന മോദിയുടെ വീഡിയോയാണ് വൈറലായി മാറിയിരിക്കുന്നത്.
“ ഞങ്ങളുടെ ബന്ധം വളരെ ശക്തമാണ്. ഒരു പരിഭാഷയുടെ ആവശ്യമുണ്ടെന്ന് പോലും എനിക്ക് തോന്നുന്നില്ല “ കൂടിക്കാഴ്ചയിൽ പുടിൻ പറഞ്ഞു. പൊട്ടിച്ചിരിയോടെയാണ് മോദി പുടിന്റെ വാക്കുകൾ കേൾക്കുന്നത് . റഷ്യൻ ഭാഷയിലായിരുന്നു പുടിൻ സംസാരിച്ചത്. ഹിന്ദിയിൽ അത് പരിഭാഷപ്പെടുത്താനുളള സൗകര്യവും ഒരുക്കിയിരുന്നു.
തന്റെ ക്ഷണം സ്വീകരിച്ച് കാസനിലേക്ക് വന്നതിൽ നന്ദി പറയുന്നുവെന്നും പുടിൻ വ്യക്തമാക്കി.പുടിനമായുള്ള സൗഹൃദത്തിനും ഊഷ്മളമായ സ്വീകരണത്തിനും ആതിഥ്യമര്യാദയ്ക്കും ആത്മാർഥമായി നന്ദി അറിയിക്കുന്നുവെന്ന് ഉഭയകക്ഷിയോഗത്തിൽ നരേന്ദ്ര മോദിയും പറഞ്ഞു.
