ബിഗ് ബോസ് മലയാളം സീസണ് 3 യിലെ ഏറ്റവും കരുത്തനായ മത്സരാര്ത്ഥികളില് ഒരാളായിരുന്നു കിടിലം ഫിറോസ്. ആര്ജെയായ കിടിലന് ഫിറോസ് സാമൂഹ്യ പ്രവര്ത്തനങ്ങളിലും സജീവമാണ്. ഇപ്പോഴിതാ ശബരിമല ദർശനത്തിനെത്തിയതിന്റെ ദൃശ്യങ്ങളാണ് ഫിറോസ് പങ്ക് വച്ചിരിക്കുന്നത് .
‘ സന്നിധാനത്തിലേയ്ക്കുള്ള യാത്ര നാം നമ്മെ തിരിച്ചറിയുന്നത് പോലെയാണ്. നമ്മുടെ സംസ്കാരത്തെ, അതിന്റെ ഭംഗിയെ, പോസിറ്റീവിറ്റിയെ, ഉള്ളിലെ പ്രകാശത്തെ ഒക്കെ തിരിച്ചറിയുന്ന ഒന്ന്. തത്വമസി എന്ന വലിയ തിരിച്ചറിവ് എന്ന് കുറിച്ചാണ് വീഡിയോ പങ്കുവെച്ചത്. ഈ യാത്ര കഠിനമാണ്, പക്ഷേ അതുപോലെ ആത്മനിർവൃതിയും ആത്മാഭിമാനവും സ്വയം തിരിച്ചറിന് നൽകുന്നതാണെന്നും ‘ ഫിറോസ് പറഞ്ഞു.
താനും സുഹൃത്ത് വിമലും രാത്രി രണ്ട് മണിയോടെ മല കയറിയതെന്നും ഫിറോസ് പറയുന്നുണ്ട്. ഒരു മതത്തിനെ ബഹുമാനിക്കാൻ അതിന്റെ ആചാരവിധി പ്രകാരം വേണം അങ്ങോട്ട് യാത്ര ചെയ്യാൻ, അങ്ങനെ തന്നെയാണ് താൻ പോയതെന്നും ഫിറോസ് പറയുന്നു.
അതേസമയം തീവ്ര മതവിശ്വാസികൾ ഫിറോസിന്റെ സോഷ്യൽ മീഡിയ പേജുകളിൽ അസഭ്യവർഷവുമായി എത്തിക്കഴിഞ്ഞു . ഫിറോസ് ചെയ്തത് ഇസ്ലാമിന് വിരുദ്ധമാണെന്നാണ് ചിലരുടെ നിലപാട്.
