കണ്ണൂര്: എഡിഎം നവീന് ബാബുവിന്റെ മരണത്തില് അന്വേഷണം. നവീനെതിരെ ആരോപണം ഉന്നയിച്ച കണ്ണൂര് ജില്ലാ പഞ്ചായത്ത് പ്രസിഡന്റ് പി.പി. ദിവ്യയുടെ മൊഴിയെടുക്കും. അന്വേഷണത്തിന് കണ്ണൂര് പോലീസ് പത്തനംതിട്ടയിലേക്ക് എത്തും. യാത്രയയപ്പ് യോഗത്തില് ഉണ്ടായിരുന്ന ജില്ലാ കളക്ടറുടെ മൊഴിയും പോലീസ് രേഖപ്പെടുത്തും.
നവീന് ബാബുവിന്റെ ബന്ധുക്കളുടെയും സഹപ്രവര്ത്തകരുടെയും മൊഴിയും പൊലീസ് രേഖപ്പെടുത്തും. സംസ്കാര ചടങ്ങുകള്ക്ക് ശേഷം ആയിരിക്കും ബന്ധുക്കളുടെ മൊഴി രേഖപ്പെടുത്തുക. ദിവ്യക്കെതിരായ ആരോപണങ്ങള് പരിശോധിക്കാന് സിപിഎമ്മും തീരുമാനിച്ചിട്ടുണ്ട്. പത്തനംതിട്ട ജില്ലാ കമ്മിറ്റിയുടെ സമ്മര്ദ്ദം ശക്തമായ സാഹചര്യത്തിലാണ് തീരുമാനം. കണ്ണൂരിലെ ഒരു വിഭാഗം ജില്ലാ നേതാക്കളും ദിവ്യക്കെതിരെ നിലപാടെടുത്തിട്ടുണ്ട്. നവീന് ബാബുവിന്റെ ശവസംസ്കാര ചടങ്ങുകള്ക്കു ശേഷം തീരുമാനമെടുക്കും. അടുത്തദിവസം ജില്ലാ സെക്രട്ടറിയേറ്റും ജില്ലാ കമ്മിറ്റിയും ചേരുന്ന വേളയില് ദിവ്യക്കെതിരെ അന്വേഷണത്തിന് തീരുമാനിക്കും.
അതേസമയം, നവീന് ബാബുവിന്റെ സംസ്കാരം ഇന്ന് നടത്തും. മൃതദേഹം കളക്ടറേറ്റിലെ പൊതുദര്ശനത്തിനു ശേഷം മലയാലപ്പുഴ പത്തിശേരില് കാരുവള്ളിയില് വീട്ടിലേക്ക് വിലാപയാത്രയായി കൊണ്ടുപോയി. ഉച്ചകഴിഞ്ഞ് മൂന്നിനാണ് സംസ്കാരം.
