ന്യൂഡല്‍ഹി: പരമ്പരാഗത ഇന്ത്യന്‍ കായിക വിനോദങ്ങളുടെ നാഴികക്കല്ലായ നിമിഷത്തില്‍, ന്യൂഡല്‍ഹിയിലെ ത്യാഗരാജ് സ്റ്റേഡിയം ആവേശഭരിതരായി.ഖോ ഖോ ഫെഡറേഷന്‍ ഓഫ് ഇന്ത്യ ആദ്യ ഖോ ഖോ ലോകകപ്പിന്റെ തീയതിയും ലോഗോയും പുറത്തിറക്കി.ആഗോള കായികരംഗത്തേക്ക് പ്രവേശിക്കാന്‍ ഒരുങ്ങുന്ന ടൂര്‍ണമെന്റിന്റെ ഉദ്ഘാടന പതിപ്പ് ജനുവരി 13 നും ജനുവരി 19 നും ഇടയില്‍ ന്യൂഡല്‍ഹിയില്‍ നടക്കും.
തകര്‍പ്പന്‍ ടൂര്‍ണമെന്റ് ഇന്ത്യയുടെ തദ്ദേശീയ കായികവിനോദത്തെ ആഗോള വേദിയില്‍ പ്രദര്‍ശിപ്പിക്കുമെന്ന് വാഗ്ദാനം ചെയ്യുന്നു. പ്രഖ്യാപന ചടങ്ങില്‍ ടീം മഹാരാഷ്‌ട്രയും റെസ്റ്റ് ഓഫ് ഇന്ത്യയും തമ്മിലുള്ള ഗംഭീരമായ പ്രദര്‍ശന മത്സരം ഉണ്ടായിരുന്നു. മത്സരം മഹാരാഷ്‌ട്ര (2624)ജയിച്ചു.
പുരാതന ഇന്ത്യന്‍ ഗെയിം യഥാര്‍ത്ഥത്തില്‍ അന്തര്‍ദേശീയമാക്കി്, ടൂര്‍ണമെന്റില്‍ 24 രാജ്യങ്ങള്‍ പങ്കെടുക്കും.
‘ ഖോ ഖോ നമ്മുടെ രാജ്യത്തിന്റെ ചെളിയിലെ കളിയാണ്. അതിനാല്‍, ഈ കായികവിനോദത്തെ മാറ്റുരയ്‌ക്കുന്നതില്‍ ഞങ്ങള്‍ക്ക് അഭിമാനമുണ്ട്. മഹാഭാരത കാലം മുതല്‍ ഖോ ഖോ നമ്മുടെ രാജ്യത്തിന്റെ ചരിത്രത്തിന്റെ ഭാഗമാണ്. ഇന്ത്യന്‍ സര്‍ക്കാര്‍ നിരവധി തദ്ദേശീയ ഗെയിമുകള്‍ പ്രോത്സാഹിപ്പിക്കുന്നു, 2025-ലെ ഖോ ഖോ ലോകകപ്പിന്റെ ഉദ്ഘാടന പതിപ്പ് ആതിഥേയത്വം വഹിക്കുന്നത് ആ ദിശയിലേക്കുള്ള ഒരു ചുവടുവയ്‌പ്പാണ്, ഇത് ഗെയിമിന്റെ തലത്തെ മറ്റൊരു തലത്തിലേക്ക് കൊണ്ടുപോകും’ കേന്ദ്രകായിക സഹമന്ത്രി രക്ഷ നിഖില്‍ ഖഡ്‌സെ ചടങ്ങില്‍ പങ്കെടുത്ത് പറഞ്ഞു,
പ്രതികരിക്കാൻ ഇവിടെ എഴുതുക: