കോട്ടയം: പി.വി അന്വര് എംഎല്എക്കെതിരെ വീണ്ടും കേസെടുത്ത് പൊലീസ് . സമൂഹമാധ്യമങ്ങളിലൂടെ അപകീര്ത്തിപെടുത്തിയെന്ന മറുനാടന് മലയാളി ഓണ്ലൈന് ചാനല് ഉടമ ഷാജന് സ്കറിയയുടെ പരാതിയില് എരുമേലി പൊലീസാണ് കേസ് രജിസ്റ്റര് ചെയ്തത്.
മറുനാടന് മലയാളിയിലൂടെ പുറത്തു വന്ന വാര്ത്തകള് പി.വി അന്വര് എഡിറ്റ് ചെയ്ത് മതസ്പര്ദ്ധ ഉണ്ടാക്കുന്ന വിധം പ്രചരിപ്പിച്ചെന്നാണ് പരാതി. ഭാരതീയ ന്യായ് സംഹിത സെക്ഷന് 196, 336, 340, 356 വകുപ്പുകള് ചുമത്തിയാണ് കേസെടുത്തത്.
ഷാജന് സ്കറിയ നേരത്തെ പരാതി നല്കിയിരുന്നെങ്കിലും പൊലീസ് കേസെടുത്തിരുന്നില്ല. തുടര്ന്ന് പരാതിക്കാരന് കോടതിയെ സമീപിച്ചു. കോടതി നിര്ദ്ദേശ പ്രകാരമാണ് കേസെടുത്തത്.
