ആലപ്പുഴ: വിമര്‍ശനത്തിന്റെ കുന്തമുന സിപിഐക്ക് നേരെയും തിരിച്ച് പി വി അന്‍വര്‍. പിണറായി വിജയന്റെ നേരെ അനിയനാണ് ബിനോയ് വിശ്വം എന്നാണ് അന്‍വറിന്റെ പുതിയ വിശേഷണം. 2011ലെയും 21 ലെയും തെരഞ്ഞെടുപ്പില്‍ ഏറനാട് സീറ്റ് സിപിഐ വിറ്റുവെന്നുള്ള ആരോപണം ആവര്‍ത്തിക്കുകയും ചെയ്തു, അന്‍വര്‍.
2021ലെ സീറ്റ് വില്‍പ്പനയെകുറിച്ച് അന്ന് ആരോപണം ഉന്നയിച്ചപ്പോള്‍ സിപിഐ മാനനഷ്ടത്തിന് നോട്ടീസ് അയച്ചുവെങ്കിലും മറുപടി നല്‍കിയപ്പോള്‍ മിണ്ടാട്ടമുണ്ടായില്ലെന്നും അന്‍വര്‍ പറയുന്നു.
കഴിഞ്ഞ ലോക്‌സഭ തെരഞ്ഞെടുപ്പില്‍ വയനാട്ടിലെ സ്ഥാനാര്‍ത്ഥി ആനിരാജയെയും സിപിഐ നേതാക്കള്‍ ചതിച്ചു. കോടികള്‍ പിരിച്ചെങ്കിലും ഒരു രൂപ പോലും തിരഞ്ഞെടുപ്പ് ഫണ്ടിലേക്ക് നല്‍കിയില്ല. ഒടുവില്‍ സിപിഎം തെരഞ്ഞെടുപ്പ് പ്രവര്‍ത്തനം ഏറ്റെടുക്കുകയായിരുന്നു. മലപ്പുറം ജില്ലാ സെക്രട്ടറി അടക്കമുള്ളവര്‍ നിലമ്പൂരില്‍ ക്യാമ്പ് ചെയ്താണ് ക്വാറി മുതലാളിമാരില്‍ നിന്നും പണം പിരിച്ചത് . പാവപ്പെട്ട പ്രവര്‍ത്തകരെ തിന്നു ജീവിക്കുന്ന കാട്ടുകള്ളന്മാരാണ് സിപിഐ നേതാക്കള്‍ എന്നും അന്‍വര്‍ പറയുന്നു. കാണുമ്പോഴുള്ള മാന്യത പ്രവൃത്തിയില്‍ ഇല്ലെന്നാണ് മറ്റൊരു പരിഹാസം.
പ്രതികരിക്കാൻ ഇവിടെ എഴുതുക: