മുംബൈ: എമേര്‍ജിംഗ് ഏഷ്യാ കപ്പിനുള്ള ഭാരത എ ടീമിനെ തിലക് വര്‍മ നയിക്കും. ബംഗ്ലാദേശിനെതിരായ ടി20 പരമ്പരയില്‍ ഓപ്പണറായി ഇറങ്ങിയ അഭിഷേക് ശര്‍മയാണ് വൈസ് ക്യാപ്റ്റന്‍. ഒമാനില്‍ 18 മുതലാണ് ടൂര്‍ണമെന്റ് തുടങ്ങുന്നത്.
ഭാരത താരം രാഹുല്‍ ചഹാറും ടീമിലുണ്ട്. ആയുഷ് ബദോനി, രമണ്‍ദീപ് സിംഗ്, പ്രഭ്സിമ്രാന്‍ സിംഗ്, നെഹാല്‍ വധേര, അനൂജ് റാവത്ത്, സായ് കിഷോര്‍ എന്നിവരെല്ലാം അടങ്ങുന്നതാണ് ഭാരത ടീം.
18ന് തുടങ്ങുന്ന ടൂര്‍ണമെന്റില്‍ 19ന് പാകിസ്ഥാനെതിരെ ആണ് ഭാരതത്തിന്റെ ആദ്യ മത്സരം. ഇതാദ്യാമായാണ് എമേര്‍ജിംഗ് ഏഷ്യാ കപ്പ് ടി20 ഫോര്‍മാറ്റില്‍ നടത്തുന്നത് എന്ന പ്രത്യേകതയുമുണ്ട്. 2013ലെ ആദ്യ എമേര്‍ജിംഗ് ഏഷ്യാ കപ്പില്‍ ഭാരതമാണ് ചാമ്പ്യന്‍മാരായാതെങ്കിലും അവസാനം നടന്ന രണ്ട് ചാമ്പ്യന്‍ഷിപ്പിലും പാകിസ്ഥാനാണ് കിരീടം നേടിയത്.
ഭാരത ടീം: തിലക് വര്‍മ്മ (ക്യാപ്റ്റന്‍), അഭിഷേക് ശര്‍മ്മ, ആയുഷ് ബഡോണി, നിശാന്ത് സിന്ധു, അനുജ് റാവത്ത്, പ്രഭ്സിമ്രാന്‍ സിംഗ്, നെഹാല്‍ വധേര, അന്‍ഷുല്‍ കംബോജ്, ഋത്വിക് ഷോക്കീന്‍, ആഖിബ് ഖാന്‍, വൈഭവ് അറോറ, റാസിഖ് സലാം, രാഹുല്‍ കിഷോര്‍.
പ്രതികരിക്കാൻ ഇവിടെ എഴുതുക: