കൊച്ചി: ചോറ്റാനിക്കരയില് അധ്യാപക ദമ്പതികളും മക്കളും മരിച്ച നിലയില്. നാല് പേരുടെയും മൃതശരീശം മെഡിക്കല് കോളേജിന് വൈദ്യ പഠനത്തിന് നല്കണമെന്ന് കുറിപ്പ് എഴുവെച്ച ശേഷമാണ് മരണം.
രഞ്ജിത്ത്, ഭാര്യ രശ്മി, മക്കളായ ആദി (9). ആദിയ (7) എന്നിവരാണ് മരിച്ചത്. സാമ്പത്തിക പ്രശ്നമാണ് മരണത്തിന് കാരണമെന്നാണ് സൂചന. കാലടി കണ്ടനാട് സ്കൂളിലെ അധ്യാപകനാണ് രഞ്ജിത്ത്. ഭാര്യ രശ്മി പൂത്തോട്ട സ്കൂള് അധ്യാപികയാണ്.
രാവിലെ പുറത്ത് ആരെയും കാണാതിരുന്നതോടെ അയല്വാസികള് അന്വേഷിച്ചപ്പോഴാണ് നാലുപേരെയും മരിച്ച നിലയില് കണ്ടത്. രാവിലെ വീട്ടിൽ നിന്നും ശബ്ദമൊന്നും കാണാതിരുന്നതോടെ അയൽവാസികളാണ് വിവരം തിരക്കിയെത്തിയത്.
മരണത്തിലേക്ക് നയിക്കാവുന്ന രീതിയിലുളള സാമ്പത്തിക ബാധ്യത കുടുംബത്തിനുണ്ടെന്ന് കരുതുന്നില്ലെന്നാണ് അയൽവാസികൾ പറയുന്നത്. സംഭവത്തിൽ പൊലീസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു.
