തിരുവനന്തപുരം: മൂന്നരവയസ്സുകാരനെ ക്രൂരമായി മര്ദ്ദിച്ച സംഭവം നടന്ന മട്ടാഞ്ചേരി സ്മാര്ട്ട് കിഡ്സ് പ്ളേ സ്കൂളിന്റെ പ്രവര്ത്തനം നിര്ത്തിവയ്ക്കാന് വിദ്യാഭ്യാസ ഡയറക്ടറോട് മന്ത്രി നിര്ദേശിച്ചു. അംഗീകാരമില്ലാത്ത പ്ലേ സ്കൂള് ആണിത് . വിദ്യാഭ്യാസ അവകാശനിയമവും കേരള വിദ്യാഭ്യാസ ചട്ടവും അനുസരിച്ചുള്ള തുടര് നടപടി സ്കൂള് അധികൃതര്ക്കെതിരെ സ്വീകരിക്കുമെന്നും മന്ത്രി വ്യക്തമാക്കി. കുട്ടിക്ക് മര്ദ്ദനമേറ്റ സംഭവത്തില് അധ്യാപിക സീതാലക്ഷ്മിയെ പോലീസ് അറസ്റ്റ് ചെയ്തിരുന്നു.
ഇതിനിടെ നിയമം പാലിക്കാതെയും ഏകീകൃത സ്വഭാവമില്ലാതെയും നടത്തുന്ന കിന്ഡര്ഗാര്ട്ടനുകളും നഴ്സറി സ്കൂളുകളും പെരുകുന്നത് നിയന്ത്രിക്കാനുള്ള ബില്ലുമായി പി സി വിഷ്ണുനാഥ് നിയമസഭയിലെത്തി. കാര് ഷെഡില് പോലും കിന്ഡര്ഗാര്ട്ടന് പ്രവര്ത്തിക്കുന്നുണ്ടെന്ന് എംഎല്എ പറഞ്ഞു.
