കോഴിക്കോട്: പ്രണയം നടിച്ച് പതിനാലുകാരിയെ തട്ടിക്കൊണ്ടുപോയ കേസില്‍ യുവാവ് പിടിയില്‍.തിരുവമ്പാടിയില്‍ നിന്നുമാണ് ഇടുക്കി പീരുമേട് സ്വദേശി അജയ്(24) പെണ്‍കുട്ടിയെ തട്ടിക്കൊണ്ടു പോയത്.
പെണ്‍കുട്ടിയുടെ സഹോദരന്റെ സുഹൃത്താണ് അജയ്. മുക്കം പൊലീസാണ് യുവാവിനെ അറസ്റ്റ് ചെയ്തത്.അജയ് നിരവധി മോഷണ കേസുകളില്‍ പ്രതിയാണെന്ന് പൊലീസ് അറിയിച്ചു.
പെണ്‍കുട്ടി ഒക്ടോബര്‍ അഞ്ചിനാണ് നൃത്തം പഠിക്കാന്‍ സ്‌കൂളിലേക്ക് പോവുകയാണെന്ന് പറഞ്ഞ് വീട്ടില്‍ നിന്നും ഇറങ്ങിയത്. വീട്ടില്‍ ഉപയോഗിക്കുന്ന ഫോണും കുട്ടി കൈവശം കരുതിയിരുന്നു. കുട്ടി തിരിച്ചെത്താത്തതിനെ തുടര്‍ന്ന് ബന്ധുക്കള്‍ പൊലീസില്‍ പരാതി നല്‍കി.
സഹോദരന്റെ സുഹൃത്ത് പെണ്‍കുട്ടിയെ കൂട്ടിക്കൊണ്ടുപോയതാവാമെന്ന് ബന്ധുക്കള്‍ സംശയം പ്രകടിപ്പിച്ചതിനെ തുടര്‍ന്ന് പൊലീസ് നടത്തിയ പരിശോധനയില്‍ മൊബൈല്‍ ഫോണ്‍ ലൊക്കേഷന്‍ അവസാനം കാണിച്ചത് പാലക്കാട് ആണെന്ന് കണ്ടെത്തി.
തുടര്‍ന്നുളള അന്വേഷണത്തിലാണ് വിദ്യാര്‍ഥിനിയുടെ സഹോദരന്റെ സുഹൃത്തിനൊപ്പം തമിഴ്‌നാട്ടിലെ കോയമ്പത്തൂര്‍ റെയില്‍വേ സ്‌റ്റേഷനില്‍ നിന്നും കുട്ടിയെ കണ്ടെത്തിയത്.
പ്രതികരിക്കാൻ ഇവിടെ എഴുതുക: