തൃശൂര്: തൃശൂര് റെയില്വേ സ്റ്റേഷന്റെ രണ്ടാം കവാടത്തിന് സമീപം യുവാവിനെ മരിച്ച നിലയില് കണ്ടെത്തിയ സംഭവത്തില് പ്രതി പിടിയില്. ആലപ്പുഴ ആറാട്ടുപുഴ സ്വദേശി ഹരീഷ് കുമാറിനെ സംഭവം നടന്ന് 20 ദിവസങ്ങള്ക്ക് ശേഷമാണ് തൃശൂര് വെസ്റ്റ് പൊലീസ് അറസ്റ്റ് ചെയ്തത്.
തൃശൂര് അന്നമനട കല്ലൂര് കാഞ്ഞിരപറമ്പില് ഷംജാദിനെയാണ് (45) ഇയാള് കൊലപ്പെടുത്തിയത്. ഷംജാദ് വിദേശത്ത് നിന്നും എത്തിയ ശേഷം കേരളത്തിലെ വിവിധ ഭാഗങ്ങളില് ലോറി െ്രെഡവറായി ജോലി ചെയ്തു വരികയായിരുന്നു. ഒരു വര്ഷമായി ഭാര്യയുമായി വേര്പിരിഞ്ഞ് കഴിയുകയായിരുന്നു.
കഴിഞ്ഞ മാസം 20നാണ് തൃശൂര് റെയില്വേ സ്റ്റേഷന് പ്രദേശത്തെ ചെറിയ കാനയോട് ചേര്ന്ന് തലകുത്തി നില്ക്കുന്ന നിലയില് മൃതദേഹം കണ്ടെത്തിയത്. നെറ്റിയിലും തലയിലും മുറിവുകളുണ്ടായിരുന്നു. മൃതശരീരത്തില് വസ്ത്രങ്ങള് ഉണ്ടായിരുന്നില്ല. ഇയാളുടേതെന്ന് കരുതുന്ന ബാഗും കണ്ടെടുത്തിരുന്നു. സാഹചര്യ തെളിവുകളെല്ലാം കൊലപാതകത്തിലേക്ക് വിരല് ചൂണ്ടുന്നതായിരുന്നു.
കേസന്വേഷണത്തിന്റെ ഭാഗമായി നിരവധി പേരെ പൊലീസ് ചോദ്യം ചെയ്യുകയും പ്രദേശത്തെ സിസിടിവി ദൃശ്യങ്ങള് പരിശോധിക്കുകയും ചെയ്തിരുന്നു. തുടര്ന്നാണ് പ്രതിയെ കുറിച്ച് പൊലീസിന് സൂചന ലഭിക്കുന്നത്. അറസ്റ്റിലായ പ്രതിയെ വെസ്റ്റ് പൊലീസ് സംഭവ സ്ഥലത്ത് എത്തിച്ച് തെളിവെടുപ്പ് നടത്തി.
് അറസ്റ്റിലായ ഹരീഷ് കുമാറിന് തൃശൂര് ഈസ്റ്റ്, വെസ്റ്റ്, വരന്തരപ്പിള്ളി, ഹരിപ്പാട് എന്നീ സ്റ്റേഷനുകളിലായി കൊലപാതക ശ്രമം, പിടിച്ചുപറി എന്നിങ്ങനെയുളള നിരവധി കേസുകള് ഉണ്ട്.
