തൃശൂർ : മൂന്ന് വയസുള്ള പെൺകുഞ്ഞിനെ ഉപേക്ഷിച്ച നിലയിൽ കണ്ടെത്തി. തൃശൂർ ദേശമംഗലം കൂട്ടുപാതയിലാണ് കുഞ്ഞിനെ ഉപേക്ഷിച്ച നിലയിൽ കണ്ടെത്തിയത്. സമീപവാസികളാണ് കുട്ടിയെ ആദ്യം കണ്ടത്. കരച്ചിൽ കേട്ട് നടത്തിയ തെരച്ചിലിലാണ് കുഞ്ഞിനെ കണ്ടെത്തിയത്.
തുടർന്ന് ചെറുതുരുത്തി പൊലീസെത്തി കുട്ടിയെ ആശുപത്രിയിലേക്ക് മാറ്റി. ഇതരസംസ്ഥാന തൊഴിലാളികളുടെ കുട്ടിയാണെന്നാണ് നിഗമനം. കുഞ്ഞ് എങ്ങനെ ഉപേക്ഷിക്കപ്പെട്ടു എന്ന് കണ്ടെത്തുമെന്ന് പോലീസ് പറഞ്ഞു.
