മലപ്പുറം : പി വി അന്‍വര്‍ ആരോപണശരങ്ങള്‍ തൊടുത്ത് മുന്നേറവെ ബദല്‍ നീക്കങ്ങളുമായി സി പി എം. നിലമ്പൂര്‍ ചന്തക്കുന്നില്‍ തിങ്കളാഴ്ച സി.പി.എം രാഷ്ട്രീയ വിശദീകരണയോഗം സംഘടിപ്പിച്ചു.
കമ്യൂണിസ്റ്റ് വിരുദ്ധ പ്രചാരണങ്ങള്‍ക്കു മുന്നില്‍ കീഴടങ്ങില്ലെന്ന് യോഗത്തില്‍ പി ബി അംഗം എ.വിജയരാഘവന്‍ പറഞ്ഞു. മാധ്യമങ്ങളെയും അദ്ദേഹം വിമര്‍ശിച്ചു.സി.പി.എമ്മിനൊപ്പം നിന്നപ്പോള്‍ അന്‍വറിനെ കുറ്റപ്പെടുത്തിയ മാധ്യമങ്ങള്‍ക്ക് ഇപ്പോള്‍ അന്‍വര്‍ ഹീറോയാണെന്ന് അദ്ദേഹം കുറ്റപ്പെടുത്തി.
പാര്‍ട്ടിയെ തകര്‍ക്കാന്‍ കിട്ടിയ അവസരം ആഘോഷമാക്കുകയാണ്.പി വി അന്‍വര്‍ വര്‍ഗ്ഗശത്രുവാണ്. മത സൗഹാര്‍ദത്തിന്റെ അടിത്തറയാണ് മലപ്പുറമെന്നും മലപ്പുറത്തിന് വേറെ അര്‍ത്ഥം കൊടുക്കാനുള്ള ശ്രമം ആണിവിടെ നടക്കുന്നതെന്നും വിജയരാഘവന്‍ പറഞ്ഞു.
സംസ്ഥാന സര്‍ക്കാരിനെ ദുര്‍ബലപ്പെടുത്തുക എന്നതാണ് ആര്‍എസ്എസ് അജണ്ട. ഗവര്‍ണര്‍ എന്തൊക്കെ ബുദ്ധിമുട്ട് ഉണ്ടാക്കുന്നു. കേരള പൊലീസ് മര്യാദയ്‌ക്കാണ് പ്രവര്‍ത്തിക്കുന്നതെന്ന് വിജയരാഘവന്‍ പറഞ്ഞു.തൃശൂരില്‍ ബിജെപി യെ പരാജയപ്പെടുത്താന്‍ ശ്രമിച്ചത് ഇടതുപക്ഷമാണ്. സുരേഷ് ഗോപി ജയിച്ചപ്പോള്‍ എല്‍ഡിഎഫിന് വോട്ട് കൂടി.
ഇതിനിടെ നിലമ്പൂരിലെ വികസനം പുത്തന്‍വീട്ടില്‍ തറവാട്ടില്‍നിന്ന് കൊണ്ടുവന്നതല്ലെന്ന് അന്‍വറിനെ ഉദ്ദശിച്ച് നിലമ്പൂര്‍ ഏരിയ സെക്രട്ടറി ഇ.പത്മാക്ഷന്‍ യോഗത്തില്‍ പറഞ്ഞു.
പ്രതികരിക്കാൻ ഇവിടെ എഴുതുക: