പത്തനംതിട്ട: വീട്ടുകാര്‍ മൊബൈല്‍ ഫോണ്‍ വാങ്ങിനല്‍കാത്തതില്‍ പ്രതിഷേധിച്ച് പ്ലസ് ടു വിദ്യാര്‍ത്ഥി പുഴയില്‍ ചാടി. റാന്നി അങ്ങാടി സ്വദേശിയായ വിദ്യാര്‍ത്ഥിയാണ് റാന്നി വലിയ പാലത്തില്‍ നിന്നും പുഴയിലേക്ക് ചാടിയത്.
തിങ്കളാഴ്ച വൈകിട്ടോടെയാണ് വിദ്യാര്‍ത്ഥിയുടെ ആത്മഹത്യാ ശ്രമം.സൈക്കിളില്‍ വന്ന വിദ്യാര്‍ത്ഥി പാലത്തിന് സമീപം നിന്ന് പുഴയിലേക്ക് ചാടുകയായിരുന്നു.
ആളുകള്‍ ഓടിയെത്തിയപ്പോഴേക്കും വിദ്യാര്‍ത്ഥി തന്നെ നീന്തി കരയില്‍ കയറി. വെള്ളം കുറവായതിനാല്‍ വിദ്യാര്‍ത്ഥി ഒഴുക്കില്‍പ്പെട്ടില്ലെന്നും വലിയ അപകടം ഒഴിവായെന്നും നാട്ടുകാര്‍ പറഞ്ഞു.
തിരികെ നീന്തിക്കേറിയ വിദ്യാര്‍ത്ഥിയെ നാട്ടുകാര്‍ റാന്നി താലൂക്ക് ആശുപത്രിയിലെത്തിച്ചു.തുടര്‍ന്ന് പ്രാഥമിക ചികിത്സ നല്‍കി. കുട്ടിക്ക് പരിക്കുകളില്ല. വിവരമറിഞ്ഞ് വീട്ടുകാര്‍ ആശുപത്രിയിലെത്തി.
പ്രതികരിക്കാൻ ഇവിടെ എഴുതുക: