ന്യൂദല്ഹി: മോദി അധികാരത്തില് വന്ന 2014ന് ശേഷമുള്ള കാലത്തെ എംബിബിഎസ് പഠനത്തിന് പറ്റിയ സുവര്ണ്ണകാലം എന്ന് വിളിക്കാം. കാരണം 2014ന് ശേഷം ഇതുവരെ ഇന്ത്യയിലെ മെഡിക്കല് കോളെജുകളുടെ എണ്ണം 387ല് നിന്നും 654 ആയി ഉയര്ന്നു. മെഡിക്കല് സീറ്റുകളുടെ എണ്ണം 51,348ല് നിന്നും 99,763 ആയി ഉയര്ന്നു.
ഇനിയിപ്പോള് അടുത്ത പത്ത് വര്ഷത്തില് 75,000 എംബിബിഎസ് സീറ്റുകള് കൂടി വര്ധിപ്പിക്കാനാണ് സര്ക്കാര് ലക്ഷ്യമിടുന്നത്. അതായത് 2034 ആകുമ്പോഴേക്കും ഇന്ത്യയിലെ എംബിബിഎസ് സീറ്റുകളുടെ എണ്ണം .1,74,763 ആയി ഉയരും.
ഇക്കാര്യം കേന്ദ്ര ആഭ്യന്തരമന്ത്രി അമിത് ഷാ കഴിഞ്ഞ ദിവസം പ്രഖ്യാപിക്കുകയും ചെയ്തു.”ആരോഗ്യമേഖലയിൽ സമഗ്രമായ പരിഷ്കാരങ്ങൾ വരുത്താനാണ് പ്രധാനമന്ത്രി നരേന്ദ്രമോദി ലക്ഷ്യമിടുന്നത്. പ്രധാനമന്ത്രി നരേന്ദ്രമോദി ആദ്യം സ്വച്ഛ് അഭിയാൻ ആരംഭിച്ചു.പല രോഗങ്ങളെയും ഇല്ലായ്മ ചെയ്യാനുള്ള ശുചീകരണ യജ്ഞമായിരുന്നു അത്. അതിന് ശേഷം ഓരോ കുടുംബങ്ങളിലും കുടിവെള്ളമെത്തുന്നുണ്ടെന്നും ശുചിമുറികളുണ്ടെന്നും അദ്ദേഹം ഉറപ്പുവരുത്തി. ഇതും പല രോഗങ്ങളിൽ നിന്ന് രക്ഷനേടാൻ ജനങ്ങളെ സഹായിച്ചു. പിന്നീട് അദ്ദേഹം യോഗയെ ജനപ്രിയമാക്കി. ഇതിന് പിന്നാലെ അഞ്ച് ലക്ഷം രൂപ വരെ സൗജന്യ ചികിത്സ ഉറപ്പാക്കുന്ന ആയുഷ്മാൻ ഭാരത് പദ്ധതിയും മോദി നടപ്പിലാക്കി.
ആയുഷ്മാൻ ഭാരത് കൂടുതൽ മെച്ചപ്പെട്ട രീതിയിൽ ജനങ്ങളിലേക്കെത്താൻ പ്രാഥമികാരോഗ്യ കേന്ദ്രങ്ങളും കുടുംബാരോഗ്യ കേന്ദ്രങ്ങളും പുതിയ മെഡിക്കൽ കോളേജുകളും സ്ഥാപിച്ചു.14 ഡിപ്പാർട്ട്മെന്റുകൾ അടങ്ങുന്നതായിരുന്നു ഓരോ മെഡിക്കൽ കോളേജുകളും.വരുന്ന പത്ത് വർഷത്തിനകം 75,000 മെഡിക്കൽ സീറ്റുകൾ കൂടി വർദ്ധിപ്പിക്കും”- അമിത് ഷാ പറഞ്ഞു. അഹമ്മദാബാദിലെ അദലാജ് ഗ്രാമത്തിലുള്ള ഹീരാമണി ആരോഗ്യധാം ആശുപത്രി ഉദ്ഘാടനം ചെയ്യുന്നതിനിടെയായിരുന്നു അദ്ദേഹത്തിന്റെ ഈ പരാമർശം.
