കൊച്ചി:അമ്മയോടൊപ്പം സ്‌കൂട്ടറില്‍ യാത്ര സഞ്ചരിച്ച മൂന്നാം ക്ലാസുകാരി കെഎസ്ആര്‍ടിസി ബസ് ഇടിച്ചു മരിച്ചു. പെരിയപ്പുറം കൊച്ചു മലയില്‍ അരുണ്‍-അശ്വതി ദമ്പതികളുടെ മകള്‍ ആരാധ്യയാണ് ദാരുണമായി മരിച്ചത്.
കൂത്താട്ടുകുളം മൂവാറ്റുപുഴ എം സി റോഡില്‍ ഉപ്പുകണ്ടം പെട്രോള്‍ പമ്പിന് സമീപമാണ് അപകടം. അമ്മ അശ്വതിയാണ് സ്‌കൂട്ടര്‍ ഓടിച്ചത്. ഇളയ കുട്ടിയും ഒപ്പം ഉണ്ടായിരുന്നെങ്കിലും ഇവരുടെ പരിക്ക് ഗുരുതരമല്ല.
ആരാധ്യ പഠിക്കുന്ന പാമ്പാക്കുട അഡ്വഞ്ചര്‍ സ്‌കൂളിലെ അധ്യാപികയാണ് അമ്മ അശ്വതി. അച്ഛന്‍ അരുണ്‍ വിദേശത്താണ്. സ്‌കൂളിലെ നൃത്ത പരിപാടിക്ക് ഡ്രസ് എടുക്കാന്‍ കൂത്താട്ടുകുളത്തേക്ക് വന്നതായിരുന്നു ആരാധ്യ. അശ്വതിയുടെ സ്‌കൂട്ടറില്‍ കെഎസ്ആര്‍ടിസി ബസിന്റെ വശം ഇടിക്കുകയായിരുന്നു. തെറിച്ചുവീണ ആരാധ്യയുടെ ശരീരത്തിലൂടെ ബസിന്റെ പിന്‍ചക്രം കയറിയിറങ്ങി. ആരാധ്യയുടെ മൃതശരീരം കൂത്താട്ടുകുളത്തെ സ്വകാര്യ ആശുപത്രിയിലെ മോര്‍ച്ചറിയില്‍.
പ്രതികരിക്കാൻ ഇവിടെ എഴുതുക: