ഓസ്‌ട്രേലിയക്ക് ഏകദിന പരമ്പര

ബ്രിസ്‌റ്റോള്‍: ഇംഗ്ലണ്ടിനെതിരായ ഏകദിന പരമ്പര ഓസ്‌ട്രേലിയയ്‌ക്ക്. അഞ്ചാമത്തെയും അവസാനത്തെയും മത്സരത്തില്‍ ഡക്ക് വര്‍ത്ത ലൂയീസ് നിയമപ്രകാരം 49 റണ്‍സിന് ഇംഗ്ലണ്ടിനെ പരാജയപ്പെടുത്തിയാണ് ഓസ്‌ട്രേലിയ പരമ്പര സ്വന്തമാക്കിയത്. 3-2നാണ് ഓസീസ് നേട്ടം. നാല് വിക്കറ്റും 31 റണ്‍സും നേടിയ ഓസീസ് ഓപ്പണര്‍ ട്രാവിസ് ഹെഡാണ് മത്സരത്തിലെ താരം. പരമ്പരയിലെ താരവും ട്രാവിസ് ഹെഡാണ്.

ആദ്യം ബാറ്റ് ചെയ്ത ഇംഗ്ലണ്ട് 49.2 ഓവറില്‍ 309 റണ്‍സ് നേടി. മറുപടി ബാറ്റിങ്ങില്‍ ഓസീസ് 20.4 ഓവറില്‍ രണ്ട് വിക്കറ്റ് നഷ്ടത്തില്‍ 165 റണ്‍സെടുത്തുനില്‍ക്കേയാണ് മഴയെത്തിയത്. ഈ സമയം ഓസീസ് സ്‌കോര്‍ ഡിഎല്‍എസ് നിയമപ്രകാരം 49 റണ്‍സ് കൂടുതലായിരുന്നു.

ടോസ് വിജയിച്ച ഓസ്‌ട്രേലിയ ആതിഥേയരെ ബാറ്റിങ്ങിന് അയക്കുകയായിരുന്നു. തുടക്കം മുതല്‍ ആക്രമിച്ച് കളിച്ച ബെന്‍ ഡക്കറ്റ് സെഞ്ച്വറി നേടി. 91 പന്തില്‍ 13 ഫോറും മൂന്ന് സിക്‌സറുമടങ്ങിയതായിരുന്നു ഇന്നിങ്‌സ്.

മധ്യ നിരയില്‍ നായകന്‍ ഹാരി ബ്രൂക്കിന്റെ ബാറ്റിങ്ങും ഇംഗ്ലണ്ടിന് നിര്‍ണായകമായി. ഏഴ് സിക്‌സറും മൂന്ന് ഫോറുടമടിച്ച് തകര്‍ത്ത് കളിച്ച ബ്രൂക്ക് 52 പന്തില്‍ നിന്നും 72 റണ്‍സ് നേടിയാണ് പുറത്തായത്. മറുപടി ബാറ്റിങ്ങിനിറങ്ങിയ ഓസ്‌ട്രേലിയ തുടക്കം മുതല്‍ ട്വന്റി-20 ശൈലിയിലാണ് ബാറ്റ് വീശിയത്. ആദ്യ 10 ഓവറിനുള്ളില്‍ 100 കടത്താന്‍ ഓസീസിന് സാധിച്ചു. 30 പന്ത് നേരിട്ട് ഏഴ് ഫോറും നാല് സിക്‌സറുമടിച്ച് 58 റണ്‍സ് നേടി. ട്രാവിസ് ഹെഡ് 31 റണ്‍സുമെടുത്തു. ഇരുവരും പുറത്തായതിന് ശേഷം സ്റ്റീവന്‍ സ്മിത്ത്-ജോഷ് ഇംഗ്ലിസ് എന്നിവര്‍ ചേര്‍ന്ന് ഓസീസ് വിജയം ഉറപ്പാക്കി.