മോമോസ് കഴിച്ച് രണ്ട് കുടുംബങ്ങളിലെ 15 പേർ ആശുപത്രിയിൽ ;രണ്ട് കുട്ടികളെ ഐസിയുവിൽ പ്രവേശിപ്പിച്ചു

നോയിഡ ; ഗ്രേറ്റർ നോയിഡയിൽ മോമോസ് കഴിച്ച് രണ്ട് കുടുംബങ്ങളിലെ 15 പേർ ആശുപത്രിയിൽ . രണ്ട് കുട്ടികളെ ഐസിയുവിൽ പ്രവേശിപ്പിച്ചു.

ഗ്രേറ്റർ നോയിഡയിലെ ഒമിക്‌റോൺ 3 സൊസൈറ്റിയിലാണ് സംഭവം .വൈകുന്നേരം ആൽഡിക്കോ സൊസൈറ്റിയുടെ മാർക്കറ്റിൽ നിന്ന് മോമോസ് വാങ്ങിയതായി പോലീസ് പറഞ്ഞു.കുടുംബത്തോടൊപ്പം മോമോസ് കഴിച്ചു. രാത്രി 8 മണിയോടെ മോമോസ് കഴിച്ചവരുടെ നില വഷളാകാൻ തുടങ്ങി.

സ്ഥിതി വഷളായതിനെ തുടർന്ന് എല്ലാവരെയും ആശുപത്രിയിലേയ്‌ക്ക് മാറ്റി . . കുട്ടികളുടെ നില ഗുരുതരമായതിനാൽ ഐസിയുവിലും ബാക്കിയുള്ളവരെ അത്യാഹിത വിഭാഗത്തിലും പ്രവേശിപ്പിച്ചു.

അതേസമയം ഇവർ മോമോസ് വാങ്ങിയ കടയിൽ നിന്ന് സാമ്പിളുകൾ ശേഖരിക്കുമെന്ന് അധികൃതർ പറഞ്ഞു .