കാണ്‍പൂര്‍: ബംഗ്ലാദേശിനെതിരായ രണ്ടാം ടെസ്റ്റ് ക്രിക്കറ്റിന്റെ രണ്ടാം ദിനം മഴ കാരണം പൂര്‍ണമായും ഉപേക്ഷിച്ചു. മോശം കാലാവസ്ഥയെ തുടര്‍ന്ന് ഇന്നലെ ഒരു പന്ത് പോലും എറിയാന്‍ സാധിച്ചില്ല. മൂന്നാം ദിവസമായ ഇന്ന് മത്സരം തുടരുമെങ്കിലും കാണ്‍പൂരിലെ കാലാവസ്ഥ പ്രതികൂലമായി തന്നെ തുടരുമെന്നാണ് പുറത്തുവരുന്ന കാലാവസ്ഥാ മുന്നറിയിപ്പുകള്‍.
മത്സരത്തില്‍ ടോസ് നഷ്ടപ്പെട്ട് ബാറ്റിങ് ആരംഭിച്ച ബംഗ്ലാദേശ് ആദ്യദിനം നിര്‍ത്തിയ ഇടത്തു തന്നെ തുടരുകയാണ്. 35 ഓവറില്‍ മൂന്ന് വിക്കറ്റ് നഷ്ടത്തില്‍ 107 റണ്‍സ് എന്ന നിലയിലാണ് ടീം.
കാണ്‍പൂരില്‍ ഇന്ന് പകല്‍ സമയത്ത് 61 ശതമാനം മഴ സാധ്യതയാണ് കാലാവസ്ഥാ മുന്നറിയിപ്പുകള്‍ വരുന്നത്. ഇടയ്‌ക്കെല്ലാം മഴ ഒഴിഞ്ഞു നില്‍ക്കുമെങ്കിലും ഇടവിട്ടുള്ള മഴയ്‌ക്ക് സാധ്യതയുണ്ടെന്ന് പറയുന്നു. ഇന്നലെ കളി തുടങ്ങേണ്ട സമയത്ത് മഴ പെയ്തിരുന്നില്ല. പക്ഷെ മൈതാനം മൂടിയിട്ട ഷീറ്റില്‍ നേരത്തെ പെയ്തിരുന്ന മഴയില്‍ വീണ വെള്ളം കെട്ടിക്കിടക്കുകയായിരുന്നു.
പ്രതികരിക്കാൻ ഇവിടെ എഴുതുക: