ഗോരഖ്പൂർ: മദ്യപിക്കുന്നത് തടയാൻ ശ്രമിച്ച പിതാവിനെ മകൻ ഇഷ്ടികകൊണ്ട് തലയ്ക്കടിച്ച് കൊലപ്പെടുത്തി . കനയ്യ തിവാരി എന്ന യുവാവാണ് തന്റെ പിതാവ് സത്യപ്രകാശ് തിവാരിയെ ഇഷ്ടികകൊണ്ട് 20-ലധികം തവണ തലയിൽ അടിച്ചു കൊലപ്പെടുത്തിയത്. ആത്മഹത്യയാണെന്ന് വരുത്തിത്തീർക്കാൻ മൃതദേഹം ഫാനിൽ കെട്ടി തൂക്കിയിരുന്നു.
എന്നാൽ സംഭവത്തിനു സാക്ഷികളായ അയൽവാസികളിൽ ചിലർ വിവരം പോലീസിൽ അറിയിക്കുകയായിരുന്നു.
മുൻപ് പല തവണ കനയ്യ മദ്യപിച്ച് എത്തി വീട്ടിൽ പ്രശ്നം ഉണ്ടാക്കിയിട്ടുണ്ട്. പലപ്പോഴും പിതാവ് കനയ്യയെ മദ്യപനത്തിൽ നിന്ന് വിലക്കാൻ ശ്രമിച്ചിരുന്നു. ഇതിന്റെ പേരിൽ ഇരുവരും തമ്മിൽ വഴക്ക് ഉണ്ടായിട്ടുണ്ടെന്നും നാട്ടുകാർ പറഞ്ഞു.
