ആലുവ : മോഷ്ടിച്ച സ്ക്കൂട്ടറിൽ കറങ്ങി നടന്ന് മോഷണം നടത്തിയയാളെ പോലീസ് അറസ്റ്റ് ചെയ്തു. ഇളമക്കര മഠത്തിപ്പറമ്പിൽ ബിജുരാജ് (54)നെയാണ് ആലുവ പോലീസ് അറസ്റ്റ് ചെയ്തത്.
കഴിഞ്ഞ 28ന് കാരോത്തുകുഴി റോഡിന് സമീപമുള്ള വീട്ടിൽ നിന്നാണ് ഇരുചക്രവാഹനം മോഷ്ടിച്ചത്. തുടർന്ന് പ്രത്യേക അന്വേഷണ സംഘം പാലക്കാടുനിന്നും സ്ക്കൂട്ടർ സഹിതം ഇയാളെ കസ്റ്റഡിയിലെടുത്തത്.
സ്കൂട്ടർ മോഷ്ടിച്ച ശേഷം അതിൽ കറങ്ങിയായിരുന്നു പാലക്കാട് ഭാഗങ്ങളിൽ മോഷണം. വിവിധ ജില്ലകളിൽ മോഷണം, സ്പിരിറ്റ് കടത്ത്, മറ്റ് കേസുകളിൽ പ്രതിയാണ് ഇയാൾ.
ഇൻസ്പക്ടർ എം.എം മഞ്ജു ദാസ്, സബ് ഇൻസ്പെക്ടർ പി. എം. സലിം, സീനിയർ സിപിഒമാരായ പി. ആർ. ശ്രീരാജ്, കെ. ആർ. രജീഷ് എന്നിവരാണ് അന്വേഷണ സംഘത്തിലുള്ളത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
