ന്യൂദല്‍ഹി: രണ്ട് വട്ടം ഒളിംപിക് മെഡലുകള്‍ നേടിയ ഭാരത വനിതാ ബാഡ്മിന്റണ്‍ താരം പി.വി. സിന്ധുവിന്റെ പരിശീലക സംഘത്തില്‍ എക്കാലത്തെയും മികച്ച താരങ്ങളിലൊരാളായ കൊറിയയുടെ ലീ ഹ്യുന്‍ ഇല്‍. ഇടക്കാല കണ്‍സല്‍ട്ടിങ് കോച്ച് എന്ന നിലയ്‌ക്കാണ് ഇല്‍ സിന്ധുവിന്റെ പരിശീലക സംഘത്തില്‍. അടുത്ത മാസത്തോടുകൂടി സിന്ധു മത്സരങ്ങളിലേക്ക് തിരിച്ചുവരവിന് ശ്രമിക്കുമ്പോളാണ് പുതിയ നീക്കങ്ങള്‍ ഉണ്ടായിരിക്കുന്നത്. അടുത്തിടെ അനൂപ് ശ്രീധറിനെ സിന്ധുവിന്റെ ഇടക്കാല പരിശീലകനായി നിയമിച്ചിരുന്നു. ഇതിന് പിന്നാലെയാണ് കൊറിയയുടെ വമ്പന്‍ താരത്തെ കൂടി എത്തിച്ചിരിക്കുന്നത്. ഇക്കൊല്ലം തീരും വരെ ഇരുവരും സിന്ധുവിന്റെ പരിശീലക സംഘത്തില്‍ തുടരുമെന്നാണറിയുന്നത്.
അടുത്ത മാസം നടക്കുന്ന ഫിന്‍ലന്‍ഡ് ഓപ്പണ്‍, ഡെന്‍മാര്‍ക്ക് ഓപ്പണ്‍ ടൂര്‍ണമെന്റുകളോടെയാകും സിന്ധുവിന്റെ തിരിച്ചുവരവ്.
ഹ്യുന്‍ ഇല്‍ മുന്‍ ലോക ഒന്നാം നമ്പര്‍ താരമാണ്. കൂടാതെ പ്രീമിയര്‍ ബാഡ്മിന്റണ്‍ ലീഗില്‍ സിനധുവിന്റെ സഹതാരം കൂടിയായിരുന്നു.
പ്രതികരിക്കാൻ ഇവിടെ എഴുതുക: