കോഴിക്കോട്: രാത്രി കാലങ്ങളില്‍ വീട്ടില്‍ എത്തി യുവതിക്ക് മുന്നില്‍ നഗ്‌നതാപ്രദര്‍ശനം നടത്തുന്ന യുവാവ് അറസ്റ്റില്‍. പുതുപ്പാടി പെരുമ്പള്ളി കാവുംപുറം തയ്യില്‍ വീട്ടില്‍ മുഹമ്മദ് ഫാസില്‍ (22) ആണ് അറസ്റ്റിലായത്. യുവതി സൈബര്‍ സെല്ലിന് നല്‍കിയ പരാതിയില്‍ നടത്തിയ പരിശോധനയിലാണ് ഇയാള്‍ കുടുങ്ങിയത്.
ഇന്‍സ്റ്റഗ്രാമില്‍ വ്യാജ ഐഡി ഉണ്ടാക്കി ഫാസില്‍ നിരന്തരം അശ്ലീല സന്ദേശങ്ങള്‍ യുവതിക്ക് അയച്ചിരുന്നു.
പിതാവ് വിദേശത്തായതിനാല്‍ വീട്ടില്‍ യുവതിയും മാതാവും മാത്രമാണ് താമസിച്ചിരുന്നത്. യുവതിയുടെ രണ്ട് സഹോദരിമാര്‍ ഭര്‍തൃവീട്ടിലാണ്. നാലോളം തവണ യുവാവ് യുവതിയുടെ വീട്ടുപരിസരത്ത് പൂര്‍ണ നഗ്‌നനായി എത്തിയിട്ടുണ്ടെന്നാണ് വിവരം. ഒടുവിലായി വീട്ടിലെ സിറ്റൗട്ടില്‍ ഇരിക്കുകയായിരുന്ന യുവതിക്ക് മുന്നില്‍ മുഖം മറച്ച് പൂര്‍ണ നഗ്‌നനായി യുവാവ് പ്രത്യക്ഷപ്പെട്ടു.
യുവതി ഭയന്ന് ബഹളമുണ്ടാക്കിയെങ്കിലും നാട്ടുകാര്‍ എത്തുന്നതിന് മുന്‍പ് യുവാവ് ഓടി രക്ഷപ്പെട്ടു. അജ്ഞാതനെ പിടികൂടാന്‍ നാട്ടുകാര്‍ രാത്രിയില്‍ കാവല്‍ ഇരുന്നെങ്കിലും ഫലമുണ്ടായില്ല. പിന്നീടാണ് യുവതി സൈബര്‍ സെല്ലില്‍ പരാതി നല്‍കിയത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
പ്രതികരിക്കാൻ ഇവിടെ എഴുതുക