ന്യൂദല്ഹി: ലോക പ്രശസ്ത വ്യവസായിയും അംബാനിഗ്രൂപ്പ് വ്യവസായ സ്ഥാപനങ്ങളുടെ ഉടമയുമായ മുകേഷ് അംബാനി ഒരു വിമാനം കൂടി സ്വന്തമാക്കി. ആയിരം കോടി മുടക്കി ബോയിങ് 737 മാക്സ് ഒന്പത് വിമാനം വാങ്ങിയതോടെ അദ്ദേഹത്തിന്റെ വിമാനങ്ങളുടെ എണ്ണം പത്തായി.
ആഡംബര ജെറ്റ് വിമാനമാണ് പുതിയത്. 2023 ഏപ്രിലിലാണ് വിമാനം നിര്മിച്ചു തുടങ്ങിയത്. ഈ ആഗസ്ത് 27ന് വിമാനം ഭാരതത്തില് എത്തിച്ചു. ഇപ്പോള് ദല്ഹി വിമാനത്താവളത്തിലുള്ള വിമാനം ഉടന് മുംബൈയില് എത്തിക്കും. നൂറു കോടിയിലേറെ ചെലവിട്ട് ഉള്ഭാഗം ഗംഭീരമാക്കിയ ജെറ്റിന് രണ്ട് എന്ജിനുകളാണ് ഉള്ളത്.
പതിനെട്ട് വര്ഷത്തിലേറെയായി സര്വീസ് നടത്തുന്ന എയര്ബസ് എ 319 എസിജെയും രണ്ട് ബൊംബാര്ഡിയര് ഗ്ലോബല് 5000 ജെറ്റുകളും അടക്കം പത്തു വിമാനങ്ങളാണ് മുകേഷിന് ഇപ്പോഴുള്ളത്. ചെറു യാത്രകള്ക്കായി രണ്ട് ഹെലിക്കോപ്റ്ററുകളുമുണ്ട്.
