തിരുവനന്തപുരം: എന്എഫ്എസ്എ റേഷന് ഗുണഭോക്താക്കളുടെ (മഞ്ഞ,പിങ്ക് കാര്ഡുകള്) ഇ കെവൈസി പുതുക്കല് നടപടികള് ആരംഭിച്ചു. ഈ മാസം 24 വരെ തിരുവനന്തപുരം ജില്ലയിലുള്ളവര്ക്ക് മാത്രമാണ് അപ്ഡേഷന് സൗകര്യമുളളത്.
25 മുതല് ഒക്ടോബര് 1 വരെ കൊല്ലം, ആലപ്പുഴ, പത്തനംതിട്ട, കോട്ടയം, ഇടുക്കി, എറണാകുളം, തൃശൂര് ജില്ലക്കാര്ക്കും ഒക്ടോബര് 3 മുതല് 8 വരെ പാലക്കാട്, കോഴിക്കോട്, വയനാട്, കണ്ണൂര്, മലപ്പുറം, കാസര്ഗോഡ് ജില്ലകളിലുള്ളവര്ക്കും അപ്ഡേഷന് നടത്താം.റേഷന് കാര്ഡ്, ആധാര് കാര്ഡ് എന്നിവ സഹിതം റേഷന് കടകളില് നേരിട്ടെത്തി ഗുണഭോക്താക്കള്ക്ക് അപ്ഡേഷന് നടത്താം.
മുന്പ് അപ്ഡേഷന് ചെയ്തവര് വീണ്ടും അപ്ഡേഷന് നടത്തേണ്ടതില്ല. ഓഗസ്റ്റില് കടകളില് നേരിട്ടെത്തി ബയോമെട്രിക് സംവിധാനം ഉപയോഗിച്ച് റേഷന് വാങ്ങിയ ഗുണഭോക്താക്കളും അപ്ഡേഷന് നടത്തേണ്ടതില്ല.
