മലപ്പുറം: മലപ്പുറത്ത് ടയര്‍ പൊട്ടി നിയന്ത്രണം വിട്ട സ്വകാര്യ ബസ് മൂന്ന് വാഹനങ്ങളില്‍ ഇടിച്ച് അപകടം.. അരീക്കോട് കുറ്റൂളി കുഞ്ഞന്‍ പടിയില്‍ പെട്രോള്‍ പമ്പിന് സമീപമാണ് സംഭവം. മുക്കത്ത് നിന്നും അരീക്കോട്ടേക്ക് വരികയായിരുന്ന ‘ബ്ലസിങ്’ എന്ന സ്വകാര്യ ബസിന്റെ ടയറാണ് പൊട്ടിയത്. ഇതോടെ ബസിന് നിയന്ത്രണം നഷ്ടമായി മറ്റ് വാഹനങ്ങളില്‍ ഇടിച്ച് നില്‍ക്കുകയായിരുന്നു. ബസ് റോഡരികില്‍ നിര്‍ത്തിയിട്ട പിക്കപ്പ് വാനില്‍ ഇടിച്ചു. പിക്കപ്പ് വാന്‍ പിന്നോട്ട് നീങ്ങി ഓട്ടോയിലും സ്‌കൂട്ടിയിലും ഇടിച്ചു. ടയര്‍ പൊട്ടി എതിര്‍ ദിശയില്‍ 100 മീറ്ററിലേറെ നീങ്ങിയ ബസിന്റെ ടയര്‍ ഉരുകി തീര്‍ന്ന നിലയിലായിരുന്നു.
ഇന്നലെ ഉച്ചക്ക് 1.30 ഓടു കൂടിയാണ് സംഭവം. പിക്കപ്പ് വാനിലും ഓട്ടോയിലും ഉള്ളവര്‍ സമീപത്തുള്ള ഹോട്ടലില്‍ ഭക്ഷണം കഴിക്കാനായി പോയിരുന്നതിനാല്‍ അപകടം ഒഴിവായി. ഉച്ചസമയം ആയതിനാല്‍ റോഡില്‍ വാഹനങ്ങള്‍ കുറവായതു കൊണ്ടും വന്‍ ദുരന്തം ഒഴിവായി.
പ്രതികരിക്കാൻ ഇവിടെ എഴുതുക: