തെന്നിന്ത്യന്‍ നടി എ. ശകുന്തള അന്തരിച്ചു

ബെംഗളൂരു: പ്രമുഖ തെന്നിന്ത്യന്‍ നടി എ. ശകുന്തള (84) അന്തരിച്ചു. തമിഴ്, തെലുങ്ക്, മലയാളം, കന്നഡ ഭാഷകളിലായി അറുനൂറിലധികം സിനിമകളില്‍ അഭിനയിച്ചു.

നേതാജി, നാന്‍ വണങ്ങും ദൈവം, കൈ കൊടുത്ത ദൈവം എന്നിവയാണ് പ്രധാന സിനിമകള്‍. മലയാളത്തില്‍ കുപ്പിവള, കൊച്ചിന്‍ എക്‌സ്പ്രസ്, നീലപൊന്മാന്‍, തച്ചോളി അമ്പു, ആവേശം (1979) എന്നീ ചിത്രങ്ങളിലാണ് അഭിനയിച്ചത്. 1970ല്‍ പുറത്തിറങ്ങിയ സിഐഡി ശങ്കര്‍ എന്ന ചിത്രത്തിന് ശേഷം സിഐഡി ശകുന്തള എന്നാണ് അറിയപ്പെട്ടിരുന്നത്. തമിഴ് സീരിയലുകളിലും അഭിനയിച്ചു.