മലപ്പുറം: സംസ്ഥാനത്ത് എം പോക്‌സ് സ്ഥിരീകരിച്ചു. എംപോക്സ് ലക്ഷണങ്ങളോടെ മലപ്പുറത്ത് ചികിത്സയിലുണ്ടായിരുന്ന ആള്‍ക്കാണ് രോഗം സ്ഥിരീകരിച്ചത്.
യുഎഇയില്‍ നിന്നും വന്ന 38 വയസുകാരനാണ് കുരങ്ങ് പനിയെന്ന എംപോക്സ് സ്ഥിരീകരിച്ചത്. മറ്റ് രാജ്യങ്ങളില്‍ നിന്നും ഇവിടെ എത്തുന്നവര്‍ക്ക് ഉള്‍പ്പെടെ രോഗലക്ഷണങ്ങളുണ്ടെങ്കില്‍ ചികിത്സ തേടണമെന്ന് ആരോഗ്യ മന്ത്രി വീണ ജോര്‍ജ് അറിയിച്ചു.ആരോഗ്യവകുപ്പിനെ വിവരം അറിയിക്കണം.
ആരോഗ്യ വകുപ്പിന്റെ ആശുപത്രികളില്‍ ചികിത്സയും ഐസൊലേഷന്‍ സൗകര്യങ്ങളുമൊരുക്കിയിട്ടുണ്ട്. നോഡല്‍ ഓഫീസര്‍മാരുടെ ഫോണ്‍ നമ്പരും നല്‍കിയിട്ടുണ്ട്. ഇതുകൂടാതെ എല്ലാ മെഡിക്കല്‍ കോളേജുകളിലും ചികിത്സാ സൗകര്യമുണ്ട്.
ചികിത്സയിലുളള യുവാവിന് ഗുരുതര ആരോഗ്യ പ്രശ്‌നങ്ങളില്ല. എന്നാല്‍ ഇത് അടുത്തിടപെട്ടാല്‍ പകരുന്ന അസുഖമായതിനാല്‍ ജാഗ്രത വേണം.
യുവാവിന് ശരീരത്തില്‍ കുമിളകള്‍ പ്രത്യക്ഷപ്പെട്ടതിനെ തുടര്‍ന്ന് ചിക്കന്‍പോക്‌സിനാണ് ആദ്യം ചികിത്സ തേടിയത്.എന്നാല്‍ ഡോക്ടര്‍ക്ക്് സംശയം തോന്നിയതിനെ തുടര്‍ന്നാണ് സാമ്പിള്‍ പരിശോധനയ്‌ക്കയച്ചത്. ഇന്ത്യയില്‍ രണ്ടാമത്തെ കേസാണിത്.
പ്രതികരിക്കാൻ ഇവിടെ എഴുതുക: