കോട്ടയം: പാലാ ഭാഗത്ത് നിന്നും കള്ളപ്പണം പിടികൂടിയ സംഭവത്തില്‍ മുഖ്യപ്രതിയെന്ന കരുതപ്പെടുന്ന എരുമേലി സ്വദേശി അബ്ദുള്‍ഷുക്കൂര്‍ ഒളിവില്‍. അബ്ദുല്‍ ഷുക്കൂറിന് നല്‍കാനാണ് പണം കൊണ്ടുവന്നത് എന്നാണ് എക്‌സൈസിന്റെ പിടിയിലായ മനോജ് മൊഴി നല്‍കിയത്. പാല, പൊന്‍കുന്നം, തലയോലപ്പറമ്പ് എന്നിവിടങ്ങളില്‍ നിന്നും അടുത്തടുത്ത ദിവസങ്ങളില്‍ കള്ളപ്പണം പിടികൂടിയിരുന്നു. ഇതിന്റെ അന്വേഷണമാണ് ഇപ്പോള്‍ അബ്ദുല്‍ ഷുക്കൂറിലേക്ക് എത്തിയിരിക്കുന്നത്. ഇയാള്‍ക്ക് കള്ളപ്പണ ഇടപാടുകള്‍ ഉണ്ടെന്ന് നേരത്തെ സ്‌പെഷ്യല്‍ ബ്രാഞ്ച് റിപ്പോര്‍ട്ട് ചെയ്തിരുന്നു. വിദേശ കറന്‍സി മാറ്റി നല്‍കുന്ന ഇടപാടുമുണ്ട്. തലയോലപ്പറമ്പില്‍ പിടിയിലായ ഷാഹുല്‍ഹമീദ് എന്നയാളുടെ പക്കല്‍ നിന്നും വിദേശ കറന്‍സികള്‍ പിടിച്ചെടുത്തിരുന്നു.
സംഭവത്തില്‍ പിടികൂടിയ തുക എക്‌സൈസ് പോലീസിനെ കൈമാറിയിരുന്നു. ഇതുസംബന്ധിച്ച പോലീസിന്റെ റിപ്പോര്‍ട്ടുകളിന്‍മേല്‍ എന്‍ഫോഴ്‌സ്‌മെന്റ് ഡയറക്ടറേറ്റും ആദായ നികുതി വകുപ്പും അന്വേഷിക്കുന്നുണ്ട്.
Monday, November 25, 2024
കള്ളപ്പണം പിടികൂടിയ സംഭവത്തില്‍ മുഖ്യപ്രതി എരുമേലി സ്വദേശി അബ്ദുള്‍ഷുക്കൂര്‍ ഒളിവില്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: