ലെബനോനിലുണ്ടായ പേജർ സ്ഫോടനങ്ങളിൽ കൊല്ലപ്പെട്ടവരുടെ എണ്ണം 11 ആയി ഉയര്ന്നു. 2800ലധികം പേര്ക്കാണ് സ്ഫോടനങ്ങളിൽ പരിക്കേറ്റത്. പരിക്കേറ്റവരിൽ ഇരുന്നൂറിലേറെ പേരുടെ നില ഗുരുതരമാണ്. പലർക്കും മുഖത്തും കണ്ണിലുമാണ് പരിക്കേറ്റത്. മരണസംഖ്യ ഉയരുമെന്നും വിവരമുണ്ട്.
അതേസമയം, ഇസ്രയേലിന് ശക്തമായ തിരിച്ചടി നൽകുമെന്ന് ലെബനോൻ പ്രസ്താവിച്ചു.
ഭീഷണിക്ക് പിന്നാലെ ഇസ്രയേലിൽ സുരക്ഷ ശക്തമാക്കി. ടെൽ അവീവിലേക്കുള്ള സർവീസുകൾ വിമാന കമ്പനികള് നിര്ത്തിവെച്ചു. ഇസ്രായേലും ഹിസ്ബുല്ലയുമായുള്ള ഭിന്നത രൂക്ഷമായിരിക്കെ ആണ് ലെബാനോനെ നടുക്കിയ പേജർ സ്ഫോടനങ്ങൾ നടന്നത്. മൊബൈൽഫോണുകൾ ഉപയോഗിച്ചാൽ ശത്രുവിന് ലൊക്കേഷൻ കണ്ടെത്തി ആക്രമിക്കാൻ എളുപ്പം ആണ്.
അതിനാൽ ഹിസ്ബുല്ല ഭീകര സംഘങ്ങൾ ആശയവിനിമയത്തിന് ഇപ്പോഴും പഴയകാല പേജർ യന്ത്രങ്ങൾ ആണ് ഉപയോഗിക്കുന്നത്. ഇത്തരത്തിലുള്ള ആയിരക്കണക്കിന് പേജർ യന്ത്രങ്ങൾ ആണ് ഒരേ സമയം ഇന്നലെ ഉച്ചയ്ക്ക് ശേഷം ലെബനോനിൽ ഉടനീളം പൊട്ടിത്തെറിച്ചത്. ഈ ശൃംഖലയാണ് ഇന്നലെ തകർക്കപ്പെട്ടത്. മരിച്ചവരിലും പരിക്കേറ്റവരിലും ഉന്നതരായ ഹിസ്ബുല്ല ഭീകര നേതാക്കളും ഉണ്ടെന്നാണ് സൂചന. ആസൂത്രിത ഇലക്ട്രോണിക്സ് ആക്രമണത്തിന് പിന്നില് ഇസ്രായേല് ആണെന്നാണ് ഹിസ്ബുല്ലയുടെ ആരോപണം.
