മുവാറ്റുപുഴ : ചെക്ക് പോസ്റ്റിൽ വാഹനം ഇടിച്ച് നിർത്താതെ പോയ കേസിലെ പ്രതിക്ക് തടവും പിഴയും. കോതമംഗലം കുട്ടമ്പുഴ ഞായപ്പിള്ളി പുൽപ്പറക്കുടിയിൽ വീട്ടിൽ ഷെറിൻ (32) എന്നയാളെയാണ് കോതമംഗലം ജുഡീഷ്യൽ ഒന്നാം ക്ലാസ് മജിസ്ട്രേറ്റ് ഇ.എൻ.ഹരിദാസൻ ഒരു വർഷം തടവിനും, 10000 രൂപ പിഴയും ശിക്ഷിച്ചത്.
2018ൽ കുട്ടമ്പുഴ തട്ടേക്കാട് റൂട്ടിൽ അപകടകരമായ രീതിയിൽ വാഹനം ഓടിച്ച് ചെക്ക് പോസ്റ്റിൽ കൈ കാണിച്ചിട്ട് നിർത്താതെ ഫോറസ്റ്റ് ചെക്ക്പോസ്റ്റ് ഇടിച്ച് സർക്കാരിന് 6000 രൂപ നഷ്ടം വരുത്തി . അത് ചോദ്യം ചെയ്ത ഉദ്യോഗസ്ഥരുടെ കൃത്യനിർവഹണം തടസ്സപ്പെടുത്തുകയും ചെയ്ത കാര്യത്തിൽ രജിസ്റ്റർ ചെയ്ത കേസിലാണ് ശിക്ഷ വിധിച്ചത്.
എപി പി ജി.സെബാസ്റ്റ്യൻ അന്വേഷണ ഉദ്യോഗസ്ഥനും, സബ് ഇൻസ്പെക്ടർ സി.എം.ജോയി എന്നിവരും ആയിരുന്നു കേസ് അന്വേഷിച്ചത്.
