മലപ്പുറം: ബിവറേജില് നിന്നും അനുവദിച്ച സമയം കഴിഞ്ഞ് മദ്യം വാങ്ങിയ പൊലീസുകാരുടെ ദൃശ്യം ചിത്രീകരിച്ച യുവാവിനെ മര്ദ്ദിച്ച് പൊലീസുകാര്. എടപ്പാള് കണ്ടനകം ബീവറേജില് വെളളിയാഴ്ച രാത്രി 9.30ന് ശേഷമാണ് സംഭവം.
ചങ്ങരംകുളം പൊലീസ് സ്റ്റേഷനിലെ പൊലീസുകാരാണ് യുവാവിനെ മര്ദിച്ചത്. മര്ദ്ദനമേറ്റ കണ്ടനകം സ്വദേശി സുനീഷ് കുമാറിന എടപ്പാളിലെ സ്വകാര്യ ആശുപത്രിയില് പ്രവേശിപ്പിച്ചു.
രാത്രി 9മണി വരെയാണ് ബീവറേജസിലെ മദ്യവില്പനയ്ക്കായി അനുവദിച്ച സമയം. കഴിഞ്ഞ രാത്രി ഒമ്പതരയ്ക്ക് എടപ്പാള് കണ്ടനകം ബീവറേജ് ഔട്ട്ലെറ്റിലെ ഗേറ്റിന പുറത്ത് നിന്ന് രണ്ടുപേര് ബീവറേജ് ജീവനക്കാരുമായി സംസാരിക്കുന്നതും പണം കൈമാറുന്നതും ശ്രദ്ധയില്പ്പെട്ട യുവാവ് ഇത് മൊബൈല് പ കര്ത്തി. ദൃശ്യങ്ങള് പകര്ത്തുന്നത് ശ്രദ്ധയില് പെട്ട് പൊലീസുകാര് മര്ദിച്ചെന്നാണ് യുവാവിന്റെ പരാതി.
എന്നാല് മര്ദ്ദിച്ചത് തങ്ങളല്ലെന്നും നാട്ടുകാരാണ് മര്ദിച്ചതെന്നുമാണ് പൊലീസ് ഉദ്യോഗസ്ഥര് വിശദീകരിക്കുന്നത്. പ്രവര്ത്തന സമയം കഴിഞ്ഞിട്ടും ബിവറേജില് വന്നത് മദ്യം വാങ്ങാനല്ലെന്നും സുഹൃത്തിനെ കാണാനായിരുന്നെന്നും ഇവര് പറയുന്നു.
