ന്യൂദല്ഹി: ആന്ഡമാന് നിക്കോബാര് തലസ്ഥാനമായ പോര്ട്ട് ബ്ലെയറിന്റെ പേരു മാറ്റി. ശ്രീ വിജയപുരം എന്നാണ ഇനി അറിയപ്പെടുക. കൊളോണിയല് മുദ്രകള് ഇല്ലാതാക്കുന്നതിനാണ്് പേര് മാറ്റിയതെന്ന് കേന്ദ്ര സര്ക്കാര് വ്യക്തമാക്കി.
ഈസ്റ്റ് ഇന്ത്യാ കമ്പനി നേവി ഓഫീസര് ക്യാപ്റ്റന് ആര്ച്ചിബാള്ഡ് ബ്ലെയറിനോടുള്ള ആദരസൂചകമായാണ് ആന്ഡമാന് തലസ്ഥാനത്തിന് പോര്ട്ട് ബ്ലെയര് എന്ന് പേരുനല്കിയിരുന്നത്. ആഭ്യന്തര മന്ത്രി അമിത് ഷായാണ് പേര് മാറ്റം പ്രഖ്യാപിച്ചത്.
സ്വാതന്ത്ര്യസമരത്തിലും ചരിത്രത്തിലും ആന്ഡമാന് നിക്കോബാര് ദ്വീപുകള്ക്ക് നിര്ണായക സ്ഥാനമാണുളളത്. നേതാജി സുഭാഷ് ചന്ദ്രബോസ് ത്രിവര്ണ പതാകയുടെ ആദ്യ അനാവരണം നടത്തിയതും സെല്ലുലാര് ജയിലും ഇവിടെയാണെന്ന് അമിത് ഷാ എക്സില് കുറിച്ചു.
‘ശ്രീ വിജയ പുരം നമ്മുടെ സ്വാതന്ത്ര്യ സമരത്തില് നേടിയ വിജയത്തെയും എ & എന് ദ്വീപുകളുടെ അതുല്യമായ പങ്കിനെയും പ്രതീകപ്പെടുത്തുന്നു.’ ആഭ്യന്തര മന്ത്രി അമിത് ഷാ എക്സില് കുറിച്ചു.
ഒരുകാലത്ത് ചോള സാമ്രാജ്യത്തിന്റെ നാവിക താവളമായി പ്രവര്ത്തിച്ചിരുന്ന ദ്വീപ് പ്രദേശം ഇന്ന് നമ്മുടെ തന്ത്രപരവും വികസനവുമായ സ്വപ്നങ്ങള്ക്ക് നിര്ണായക അടിത്തറയായി മാറി,- അമിത് ഷാ പറഞ്ഞു.
