കൊച്ചി: ഹേമ കമ്മി റിപ്പോര്ട്ടില് അന്വേഷണ സംഘം വിപുലമായ മൊഴിയെടുപ്പിനൊരുങ്ങുന്നു. ഹേമ കമ്മിറ്റിയില് മൊഴി നല്കിയ 50 പേരെയും കാണും.
നാല് സംഘങ്ങളായി തിരിഞ്ഞായിരിക്കും ഇവരില് നിന്ന് മൊഴി രേഖപ്പെടുത്തുക. ഇത് പത്ത് ദിവസത്തിനകം പൂര്ത്തിയാക്കും.
ഹൈക്കോടതി നിര്ദേശപ്രകാരം ഹേമ കമ്മിറ്റി റിപ്പോര്ട്ടിന്റെ പൂര്ണ്ണരൂപം സര്ക്കാര് അന്വേഷണ സംഘത്തിന് നല്കിയിരുന്നു.
ഹേമ കമ്മിറ്റിക്ക് മുന്നില് മൊഴി നല്കിയവരുടെ സ്വകാര്യത ഉറപ്പാക്കണമെന്ന് മുഖ്യമന്ത്രി പിണറായി വിജയനെ കണ്ട് നേരത്തേ ഡബ്ല്യുസിസി അംഗങ്ങള് അറിയിച്ചിരുന്നു. സിനിമാ മേഖലയിലെ ലൈംഗിക ചൂഷണ പരാതികള് സംബന്ധിച്ച പ്രത്യേക സംഘത്തിന്റെ അന്വേഷണത്തിന്റെ പേരില് സ്വകാര്യത ലംഘിക്കപ്പെടരുതെന്നും പ്രതിനിധികള് ആവശ്യപ്പെട്ടു.
വനിതകള്ക്ക് ലൊക്കേഷനില് സൗകര്യം ഉറപ്പാക്കണം. ഹേമ കമ്മിറ്റി സിനിമാ മേഖലയില് നടപ്പാക്കാന് നിര്ദ്ദേശിച്ച ശുപാര്ശകള് നടപ്പാക്കണമെന്നും അവര് ആവശ്യപ്പെട്ടു.
