കൊച്ചി: നടിയുടെ പരാതിയില്‍ കോണ്‍ഗ്രസ് അഭിഭാഷക അസോസിയേഷന്‍ മുന്‍ നേതാവ് അഡ്വ. വി എസ് ചന്ദ്രശേഖരന് മുന്‍കൂര്‍ ജാമ്യം. എറണാകുളം പ്രിന്‍സിപ്പല്‍ സെഷന്‍സ് കോടതിയാണ് ഉപാധികളോടെ മുന്‍കൂര്‍ ജാമ്യം അനുവദിച്ചത്.
ആലുവ സ്വദേശിനി നടിയുടെ പരാതിയിലാണ് ലോയേഴ്‌സ് കോണ്‍ഗ്രസ് ഭാരവാഹി ആയിരുന്ന ചന്ദ്രശേഖരനെതിരെ കേസെടുത്തത്.
നടിയുടെ പരാതിയെ തുടര്‍ന്ന് വി എസ് ചന്ദ്രശേഖരന് പാര്‍ട്ടി ചുമതലകള്‍ രാജിവെച്ചിരുന്നു. കെ.പി.സി.സി നിയമ സഹായ സെല്ലിന്റെ ചെയര്‍മാന്‍ സ്ഥാനവും ലോയേഴ്‌സ് കോണ്‍ഗ്രസ് സംസ്ഥാന അധ്യക്ഷ പദവിയുമാണ് ഒഴിഞ്ഞത്.
നടി ഉന്നയിച്ച ആരോപണം കളവാണെന്നും ചന്ദ്രശേഖരന് പറഞ്ഞു. നടിക്കൊപ്പം ഒരിക്കല്‍ പോലും കാറില്‍ യാത്ര ചെയ്തിട്ടില്ലെന്നും തനിക്കെതിരായ ആരോപണത്തിന് പിന്നില്‍ രാഷ്‌ട്രീയമാണെന്നുമാണ് അദ്ദേഹത്തിന്റെ വാദം.
പ്രതികരിക്കാൻ ഇവിടെ എഴുതുക: