തൃശൂർ: സംസ്ഥാനത്ത് വീണ്ടും എച്ച്1എൻ1 മരണം റിപ്പോർട്ട് ചെയ്തു. തൃശൂരിൽ ചികിത്സിയിലിരുന്ന 54 കാരനാണ് മരിച്ചത്. ശ്രീനാരായണപുരം ശങ്കു ബസാർ കൈതക്കാട് അനിൽ (54) ആണ് മരിച്ചത്. പനിയും ചുമയും ബാധിച്ച് എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു. അനിലിന് ഓഗസ്റ്റ് 23നാണ് എച്ച് 1 എന് 1 സ്ഥിരീകരിച്ചത്.
ആന്തരികാവയവങ്ങളുടെ പ്രവര്ത്തനം തകരാറിലായതിനെ തുടര്ന്ന് വിദഗ്ധ ചികിത്സയ്ക്കായി എറണാകുളത്തെ സ്വകാര്യ ആശുപത്രിയിലേക്ക് മാറ്റുകയായിരുന്നു. അവിടെ ചികിത്സയിലിരിക്കെ ശനിയാഴ്ച വൈകീട്ടായിരുന്നു മരണം. ദിവസങ്ങള്ക്ക് മുന്പ് തൃശൂരില് എച്ച്1എന്1 ബാധിച്ച് എറവ് സ്വദേശി മരിച്ചിരുന്നു. എറവ് സ്വദേശിനി മീനയാണ് മരിച്ചത്. എച്ച്1എന്1 ബാധയെത്തുടര്ന്ന് തൃശൂരിലെ സ്വകാര്യ മെഡിക്കല് കോളജ് ആശുപത്രിയില് ചികില്സയിലിരിക്കെയായിരുന്നു മരണം.
ഇന്നലെ കാസര്കോട് പടന്നക്കാട് എച്ച്1എന്1 രോഗബാധ സ്ഥിരീകരിച്ചിട്ടുണ്ട്. പടന്നക്കാട് കാര്ഷിക കോളേജിലെ വിദ്യാര്ഥികള്ക്കാണ് രോഗബാധ ഉണ്ടായത്. അഞ്ച് വിദ്യാര്ത്ഥികള്ക്കാണ് രോഗം സ്ഥിരീകരിച്ചത്. രോഗ ലക്ഷണങ്ങള് കാണിച്ച വിദ്യാര്ഥികളുടെ സ്രവങ്ങള് പരിശോധനയ്ക്കായി ആലപ്പുഴ വൈറോളജി ലാബിലേക്ക് അയച്ചിരുന്നു.
