ജയ് ഗണേശാ ! ജാംനഗറിൽ തനത് ലഡ്ഡു കഴിക്കൽ മത്സരം സംഘടിപ്പിച്ചു ; കുട്ടികളടക്കം നിരവധി പേർ പങ്കെടുത്തു

ജാംനഗർ: രാജ്യത്തുടനീളം ഗണേശ ചതുർത്ഥിയുടെ ആഹ്ലാദകരമായ ആഘോഷങ്ങൾക്കിടയിൽ ഗുജറാത്തിലെ ജാംനഗർ നഗരം ഒരു ‘ലഡ്ഡു കഴിക്കൽ’ മത്സരത്തിന് സാക്ഷ്യം വഹിച്ചു. ഇവിടെ പതിനാറ് വർഷമായി നടക്കുന്ന ലഡ്ഡു കഴിക്കൽ മത്സരത്തിൽ ആളുകൾ പങ്കെടുക്കുന്നു.

വർഷങ്ങളുടെ പാരമ്പര്യം തുടർന്നുകൊണ്ട് ഈ വർഷവും ജാംനഗറിലെ ബ്രഹ്മ സോഷ്യൽ ഗ്രൂപ്പാണ് മത്സരം സംഘടിപ്പിച്ചത്. 33 പുരുഷന്മാരും 6 സ്ത്രീകളും 10 കുട്ടികളും ഉൾപ്പെടെ ആകെ 49 മത്സരാർത്ഥികൾ പങ്കെടുത്തതായി സംഘാടകർ അറിയിച്ചു.

ശുദ്ധമായ നെയ്യും പാലും ചേർത്തുണ്ടാക്കിയ 100 ഗ്രാം ലഡ്ഡു ആണ് ഈ മത്സരത്തിനായി തയ്യാറാക്കുന്നത് എന്നതാണ് അതിലും ആശ്ചര്യം. ജംകന്ദോരണ, ജംജോധ്പൂർ, ജാംനഗർ എന്നിവിടങ്ങളിൽ നിന്നുള്ള ആളുകൾ ഈ തുറന്ന സൗരാഷ്‌ട്ര മത്സരത്തിൽ പങ്കെടുത്തു.

കഴിഞ്ഞ വർഷം 13 ലഡ്ഡു കഴിച്ചാണ് നവീൻ ദവെ വിജയിച്ചത്. എന്നാൽ ഈ വർഷം വീണ്ടും 12 ലഡ്ഡു കഴിച്ചാണ് റാവ്ജി മക്വാന വിജയിച്ചത്. കുട്ടികളിൽ 5 ലഡ്ഡു കഴിച്ച ആയുഷ് താക്കറാണ് വിജയി. 9 ലഡ്ഡു കഴിച്ചാണ് പദ്മനിബെൻ ഗജേര വനിതാ വിഭാഗത്തിൽ വിജയിച്ചത്.

ഊർജ്ജസ്വലമായ പത്ത് ദിവസത്തെ ഉത്സവമായ ഗണേശ ചതുർത്ഥി ഇന്നലെ ആരംഭിച്ച് അനന്ത ചതുർദശി വരെ തുടരും. വിനായക് ചതുർത്ഥി അല്ലെങ്കിൽ വിനായക് ചവിതി എന്നും അറിയപ്പെടുന്ന ഈ ഉത്സവം ഗണേശനെ വണങ്ങുന്നു.

മുംബൈയിൽ, നഗരത്തിലെ ഏറ്റവും പ്രശസ്തമായ ഗണേശ വിഗ്രഹങ്ങളിലൊന്നായ ലാൽബാഗ്‌ച രാജയുടെ അനാച്ഛാദനത്തോടെ ഗണേശ ചതുർത്ഥിയുടെ ആവേശം പ്രകടമാണ്.