ആസിഫാബാദ് : തെലങ്കാനയിൽ വനവാസി യുവതിയെ ക്രൂരമായി പീഡിപ്പിച്ചതിനെതിരെ ശക്തമായ പ്രതിഷേധം . രോഷാകുലരായ 2,000 ത്തോളം ഗോത്രവർഗക്കാർ ചേർന്ന് മുസ്ലീങ്ങളുടെ വീടുകൾക്കും കടകൾക്കും സ്ഥാപനങ്ങൾക്കും നേരെ ആക്രമണം നടത്തി. ഷെയ്ഖ് മഖ്ദൂം എന്ന ഓട്ടോ ഡ്രൈവറാണ് യുവതിയെ പീഡിപ്പിച്ചതെന്ന് വ്യക്തമായിട്ടുണ്ട്. ആദിവാസികളെ സംരക്ഷിക്കുന്നതിൽ കോൺഗ്രസ് സർക്കാർ പരാജയപ്പെട്ടുവെന്നതിന്റെ വ്യക്തമായ തെളിവാണിത്.
ആഗസ്റ്റ് 31 നാണ് ദേവഗുഡ ഗ്രാമത്തിൽ ഗോണ്ട് സമുദായത്തിൽ നിന്നുള്ള 45 കാരിയായ സ്ത്രീയെ മഖ്ദൂം പീഡിപ്പിച്ചത് . സംഭവം മറച്ച് വയ്ക്കാൻ സ്ത്രീയെ കൊല്ലാനും ഇയാൾ ശ്രമിച്ചിരുന്നു. . കഴിഞ്ഞ കുറച്ച് മാസങ്ങളായി തെലങ്കാനയിൽ ആദിവാസി സ്ത്രീകൾക്ക് നേരെ തുടർച്ചയായി ആക്രമണങ്ങൾ നടക്കുന്നുണ്ട്.
പക്ഷേ, ഇതിനെതിരെ ശക്തമായ നടപടികൾ ഉണ്ടാകുന്നില്ലെന്നാണ് ആരോപണം . ഇതിനെ തുടർന്നാണ് വനവാസികളും രോഷാകുലരായി നിരത്തിലിറങ്ങിയത്. ഇവർ മുസ്ലീം ഉടമസ്ഥതയിലുള്ള കടകളും വാഹനങ്ങളും നശിപ്പിക്കുകയും ഒരു പള്ളി തകർക്കുകയും ചെയ്തു. സംഭവത്തിന്റെ ദൃശ്യങ്ങളും പുറത്ത് വന്നിട്ടുണ്ട്.
