പെൺകുട്ടികളുടെ മാനം കെടുത്താൻ ആരു ശ്രമിച്ചാലും കൈയും കാലും ഇല്ലാതാകും ; താക്കീത് നൽകി യോഗി ആദിത്യനാഥ്

ലക്നൗ : പെൺകുട്ടികളെ മാനം കെടുത്താൻ ആരു ശ്രമിച്ചാലും കൈയും കാലും ഇല്ലാതാകുമെന്ന് യുപി മുഖ്യമന്ത്രി യോഗി ആദിത്യനാഥ് . പ്രയാഗ്‌രാജ് ഫുൽപൂരിലെ ഇഫ്‌കോ കാമ്പസ്കേന്ദ്രീയ വിദ്യാലയത്തിൽ സംഘടിപ്പിച്ച ജില്ലാതല മെഗാ എംപ്ലോയ്‌മെൻ്റ്, ലോൺ വിതരണ മേളയിൽ പങ്കെടുക്കുകയായിരുന്നു അദ്ദേഹം .

‘ഓരോ പൗരന്റെയും സുരക്ഷ നമ്മുടെ കടമയാണ്, അത് ഏത് പരിധി വരെ പോയാലും ഉറപ്പാക്കും . തലയുയർത്തുന്ന മാഫിയകളെ നിലംപരിശാക്കും . ബുൾഡോസർ ഓടിക്കാനും ധൈര്യം വേണം. മാഫിയകൾക്കും കലാപകാരികൾക്കും ക്രിമിനലുകൾക്കും മുന്നിൽ മൂക്ക് കുത്തുന്നവർക്ക് ബുൾഡോസർ ഓടിക്കാനുള്ള ധൈര്യമുണ്ടോ . ബുൾഡോസർ കണ്ടാൽ ഉടൻ അവർക്ക് ഹൃദയാഘാതം വരും.

യുവാക്കളുടെ ഭാവിയുമായി കളിക്കുന്നവർ ആരായാലും അവരെ ജയിലിലടക്കുമെന്നും സ്വത്തുക്കൾ കണ്ടുകെട്ടുമെന്നും യോഗി ആദിത്യനാഥ് പറഞ്ഞു. എല്ലാ അനധികൃത കൈയേറ്റക്കാരെയും മോചിപ്പിച്ച ശേഷം പാവപ്പെട്ടവർക്ക് വീടും സ്ത്രീ സംരക്ഷണ സദനങ്ങളും നിർമിച്ചു നൽകുമെന്നും ഞങ്ങൾ തീരുമാനിച്ചിരുന്നു. കലാപത്തിന്റെ വില എത്രയാണെന്ന് കലാപകാരികൾക്ക് ഇന്ന് വ്യക്തമായി അറിയാമെന്നും അദ്ദേഹം പറഞ്ഞു.