കാട്ടാക്കട: കാട്ടാക്കടയുടെ പ്രിയ കലാകാരനായ തബലിസ്റ്റ് കാട്ടാക്കട മൈക്കിളിനെ കാണാന്‍ കേന്ദ്രമന്ത്രിയും നടനുമായ സുരേഷ് ഗോപി അദ്ദേഹത്തിന്റെ കാട്ടാക്കട കട്ടക്കോടുള്ള വസതിയില്‍ എത്തി. ചൊവ്വാഴ്ച വൈകുന്നേരം അഞ്ചര മണിയോടെ സ്വകാര്യ വാഹനത്തിലാണ് സുരേഷ് ഗോപി എത്തിയത്. വീട്ടുകാരെ മാത്രം അറിയിച്ചിട്ടുള്ള വരവായിരുന്നു സുരേഷ് ഗോപിയുടെത്.
വിദേശത്തും സ്വദേശത്തുമായി താരങ്ങളുടെ നിരവധി സ്‌റ്റേജ് പരിപാടികളിലൂടെയാണ് കാട്ടാക്കട മൈക്കളുമായി സുരേഷ് ഗോപിക്കുള്ള ബന്ധം തുടങ്ങിയത്. സംഗീതത്തെയും സംഗീത കലാകാരന്മാരെയും ഏറെ ഇഷ്ടപ്പെടുന്ന സുരേഷ്‌ഗോപിക്ക് പ്രത്യേക ഇഷ്ടമായിരുന്നു കാട്ടാക്കട മൈക്കിളിനോട്. കുറച്ചുനാളായി ശാരീരിക അസ്വസ്ഥതയും അസുഖങ്ങളും കാരണം വീട്ടില്‍ വിശ്രമിക്കുകയാണ് കാട്ടാക്കട മൈക്കിള്‍. ഈ വിവരം അറിഞ്ഞാണ് സുരേഷ് ഗോപി അദ്ദേഹത്തെ കാണാന്‍ എത്തിയത്.
ഭാര്യയും മക്കളും മരുമകനും ഏറ്റവും അടുത്ത ബന്ധുക്കളും പിന്നെ സുരേഷ്‌ഗോപി എത്തിയതറിഞ്ഞ അയല്‍ക്കാരും മാത്രമാണ് ഈ അപൂര്‍വ കൂടിക്കാഴ്ചയ്‌ക്ക് സാക്ഷികളായത്. വീട്ടുകാരോട് മൈക്കിളിന്റെ വിവരങ്ങളും ഇപ്പോഴത്തെ അവസ്ഥയും ഒക്കെ ചോദിച്ചു മനസ്സിലാക്കി സൗഹൃദ സംഭാഷണങ്ങള്‍ക്ക് ശേഷമാണ്‌സുരേഷ് ഗോപി മടങ്ങിയത്.
പ്രതികരിക്കാൻ ഇവിടെ എഴുതുക: