കൊച്ചി: കൊച്ചിയിലെ റീജിയണല് സ്പോര്ട്സ് സെന്ററി (ആര്എസ്സി) ന്റെ ആഭിമുഖ്യത്തില് ഒളിംപിക്സ് വെങ്കല മെഡല് ജേതാവ് പി.ആര്. ശ്രീജേഷിനെ ആദരിച്ചു. കടവന്ത്ര രാജീവ് ഗാന്ധി ഇന്ഡോര് സ്റ്റേഡിയത്തില് നടന്ന യോഗത്തില് മന്ത്രി പി. രാജീവ് അദ്ദേഹത്തിന് 5 ലക്ഷം രൂപയും ആര്എസ്സിയുടെ 100 ഗ്രാം ഭാരമുള്ള വെള്ളിനാണയവും പ്രശസ്തിപത്രവും കൈമാറി.
യോഗത്തില് ശ്രീജേഷ് വിദ്യാര്ത്ഥികള്ക്കായി ലഹരി വിരുദ്ധ പ്രതിജ്ഞചൊല്ലിക്കൊടുത്തു. ബുദ്ധിപരമായ തീരുമാനങ്ങള് എടുത്ത് ജീവിതത്തില് മുന്നോട്ട് പോകണം. ജീവിതത്തില് എന്താകണമെന്ന കാര്യത്തില് കൃത്യമായ ലക്ഷ്യമുണ്ടാകണം. ആദ്യം ലക്ഷ്യമെന്താകണമെന്ന് തീരുമാനിച്ച് ഉറപ്പിക്കണം. പിന്നീട് ലക്ഷ്യത്തിലെത്താനായി കഠിനമായി പ്രയത്നിക്കണമെന്നും ശ്രീജേഷ് പറഞ്ഞു. യോഗത്തില് ഹൈബി ഈഡന് എം.പി, ടി.ജെ. വിനോദ് എംഎല്എ, ജില്ലാ കളക്ടറും ആര്സിസിയുടെ ചെയര്മാനുമായ എന്.എസ്.കെ. ഉമേഷ്, ആര്എസ്സി ഓണററി സെക്രട്ടറി അഡ്വ. എസ.്എ.എസ.് നവാസ് എന്നിവര് സംസാരിച്ചു.
