യുവാക്കളെ കുത്തി പരിക്കേൽപ്പിച്ച കേസിലെ മുഖ്യപ്രതി അറസ്റ്റിൽ ; ശാസ്ത്രീയ അന്വേഷണം കേസിൽ വഴിഞ്ഞിരിവായി

ആലുവ: വധശ്രമം മുഖ്യപ്രതി അറസ്റ്റിൽ. പള്ളുരുത്തി ഏറനാട് ടെമ്പിൾ ഭാഗം ചാണിപ്പറമ്പിൽ വീട്ടിൽ ആകാശ് (24) ആണ് ഞാറയ്‌ക്കൽ പോലീസിന്റെ പിടിയിലായത്.

എളങ്കുന്നപ്പുഴ വളപ്പ് ഭാഗത്ത് വെച്ച് യുവാക്കളെ കുത്തി പരിക്കേൽപ്പിച്ച കേസിലെ മുഖ്യപ്രതിയാണ്. ആക്രമണത്തിനുശേഷം ഒളിവിൽ പോയ പ്രതിയെ മുനമ്പം ഡി വൈ എസ് പി എസ്. ജയകൃഷ്ണന്റെ മേൽനോട്ടത്തിൽ നടത്തിയ ശാസ്ത്രീയ അന്വേഷണത്തിനൊടുവിലാണ് പോലീസ് അറസ്റ്റ് ചെയ്തത്.

കൃത്യത്തിന് ഉപയോഗിച്ച ആയുധം പ്രതിയുടെ പക്കൽ നിന്നും പോലീസ് കണ്ടെടുത്തിട്ടുണ്ട്. പിടികൂടുന്നതിനിടയിൽ പോലീസിനെ ആക്രമിച്ച് രക്ഷപെടാൻ ശ്രമിച്ച ഇയാളെ സാഹസികമായാണ് കീഴടക്കിയത്. വിവിധ സ്റ്റേഷനുകളിലായി മോഷണം, പിടിച്ചുപറി എന്നീ കേസുകൾ നിലവിലുണ്ട്.

ഞാറക്കൽ ഇൻസ്പെക്ടർ സുനിൽ തോമസ്, സബ് ഇൻസ്പെക്ടർമാരായ അഖിൽ വിജയകുമാർ, സി. എ. ഷാഹിർ, എസ് സിപിഓമാരായ റെജി തങ്കപ്പൻ കെ. ജി. പ്രീജൻ, ദിനിൽ രാജ് എന്നിവരാണ്അന്വേഷണ സംഘത്തിൽ ഉണ്ടായിരുന്നത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.