കോട്ടയം: മേലുദ്യോഗസ്ഥര്ക്കെതിരെ കടുത്ത വിമര്ശനം ഉയര്ത്തിയും സംശയനിഴലിലായ എഡിജിപി എം ആര് അജിത് കുമാറിനെ ന്യായീകരിക്കാതെയും സിവില് പോലീസ് ഓഫീസര്മാരുടെ സംഘടനയായ പോലീസ് അസോസിയേഷന് സംസ്ഥാന സമ്മേളനം. മേലുദ്യോഗസ്ഥര് തങ്ങളെ അടിമകളെ പോലെ പണിയെടുപ്പിക്കുകയാണെന്നും പ്രതിനിധികള് ആരോപിച്ചു. പല പോലീസ് സ്റ്റേഷനിലും വേണ്ടത്ര സൗകര്യമോ ആള്ബലമോ ഇല്ല. പോലീസുകാര് പിരിവിട്ടോ പൊതുജനങ്ങളുടെ മുന്നില് കൈനീട്ടിയോ ആണ് സ്റ്റേഷനറി സാധനങ്ങള് വാങ്ങുന്നത്. മറ്റ് സര്വീസുകളില് ഇല്ലാത്ത അച്ചടക്ക നടപടിയിലൂടെ പോലീസുകാരുടെ മനോവീര്യവും ജീവിതവും നശിപ്പിക്കുകയാണെന്ന് ചര്ച്ചയില് പങ്കെടുത്തവര് പറഞ്ഞു. ബിട്ടീഷുകാരുടെ കാലത്തെ പ്രാകൃത ശിക്ഷാരീതിയാണ് പോലീസുകാര്ക്ക് നല്കുന്നത്. വളരെ ചെറിയ കുറ്റങ്ങള്ക്ക്പോലും സസ്പെന്ഷന് നല്കുകയും ഇന്ക്രിമെന്റ് തടയുകയും ചെയ്യുന്നു. ശിക്ഷാരീതിയില് കാലാനുസൃതമായ മാറ്റം കൊണ്ടുവരാന് മേലുദ്യോഗസ്ഥര് തയ്യാറാകണമെന്നാണ് ആവശ്യം.
മേലുദ്യോഗസ്ഥര് കാണുന്നത് അടിമകളെ പോലെ, സാധനങ്ങള് വാങ്ങാന് ജനങ്ങള്ക്കുമുന്നില് കൈനീട്ടേണ്ട അവസ്ഥ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.