ഹേമ കമ്മിറ്റി റിപ്പോര്ട്ട് സംബന്ധിച്ച് അറിയില്ലെന്ന് തമിഴ് സൂപ്പര് താരം രജനികാന്ത്. തമിഴ് സിനിമയിലും ഹേമ കമ്മിറ്റിക്ക് സമാനമായി അന്വേഷണം നടത്തണമെന്ന് ആവശ്യമുയരുന്ന സാഹചര്യത്തിലാണ് രജനിയുടെ പ്രതികരണം.
മാധ്യമപ്രവര്ത്തകരോടാണ് രജനി കാന്തിന്റെ പ്രതികരണം. അതിനിടെ, ഹേമ കമ്മിറ്റി റിപ്പോര്ട്ടില് തെന്നിന്ത്യന് താരം രാധികയുടെ വെളിപ്പെടുത്തലില് മാധ്യമപ്രവര്ത്തകരും തമിഴ് നടന് ജീവയും തമ്മില് വാക്കേറ്റം.
തമിഴ് സിനിമയില് പ്രശ്നങ്ങള് ഇല്ലെന്നും ഉളളത് മലയാള സിനിമയില് മാത്രമാണെന്നും ജീവ മാധ്യമങ്ങളോട് പ്രതികരിച്ചു.
തേനിയിലെ ഒരു സ്വകാര്യ ചടങ്ങില് പങ്കെടുക്കാനെത്തിയപ്പോള് മാധ്യമപ്രവര്ത്തകര് ഹേമ കമ്മിറ്റി റിപ്പോര്ട്ടും രാധികാ ശരത്കുമാറിന്റെ വെളിപ്പെടുത്തലും സംബന്ധിച്ചുള്ള ചോദ്യങ്ങള് ചോദിക്കുകയായിരുന്നു.
എന്നാല് നല്ലൊരു പരിപാടിക്ക് വന്നാല് ഇത്തരം ചോദ്യങ്ങള് പാടില്ലെന്നാണ് ജീവ മറുപടി നല്കിയത്. വീണ്ടും ചോദ്യം ആവര്ത്തിച്ചപ്പോഴാണ് തമിഴ് സിനിമയില് ഒരു പ്രശ്നവും ഇല്ലെന്നും പ്രശ്നങ്ങള് മലയാള സിനിമയില് മാത്രമാണെന്നും ജീവ മറുപടി നല്കിയത്
