കൊല്ലം : ചടയമംഗലത്ത് 16 വയസുകാരിയെ പീഡിപ്പിച്ച കേസില്‍ യുവാവ് അറസ്റ്റില്‍. സംഭവത്തില്‍ കായംകുളം കീരിക്കാട് സ്വദേശി വിനോയ് ആണ് അറസ്റ്റിലായത്.
ഇന്‍സ്റ്റാഗ്രാമിലൂടെ പരിചയപ്പെട്ട പെണ്‍കുട്ടിയെ വിവാഹ വാഗ്ദാനം നല്‍കിയാണ് ഇയാള്‍ പീഡിപ്പിച്ചത്.
രണ്ടുമാസം മുന്‍പാണ് പെണ്‍കുട്ടിയെ വിനോയ് ഇന്‍സ്റ്റാഗ്രാം വഴി പരിചയപ്പെടുന്നത്. നിരന്തരമുള്ള ചാറ്റിലൂടെ പ്രണയത്തിലാവുകയും തുടര്‍ന്ന് വിവാഹ വാഗ്ദാനം നല്‍കി പീഡിപ്പിക്കുകയായിരുന്നു.
പെണ്‍കുട്ടിയുടെ പെരുമാറ്റത്തില്‍ സംശയം തോന്നി മാതാവ് സ്‌കൂളില്‍ വിവരം അറിയിച്ചു. സ്‌കൂള്‍ അധികൃതര്‍ കുട്ടിയെ കൗണ്‍സിലിംഗിന് വിധേയമാക്കിയപ്പോഴാണ് പീഡന വിവരം വെളിവായത്. തുടര്‍ന്ന് ചടയമംഗലം പൊലീസില്‍ പരാതി നല്‍കി.
പെണ്‍കുട്ടിയുടെ ഫോണില്‍ നിന്ന് വിവരങ്ങള്‍ ശേഖരിച്ച പൊലീസ് കായംകുളത്തെ വീട്ടില്‍ നിന്നും പ്രതിയെ പിടികൂടുകയായിരുന്നു.
പ്രതികരിക്കാൻ ഇവിടെ എഴുതുക: