മലപ്പുറം: മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി ശശിക്കും എഡി.ജി.പി എം.ആര്‍ അജിത് കുമാറിനും മുന്‍ മലപ്പുറം എസ് പി സുജിത് ദാസിനുമെതിരെ ഉന്നയിച്ച ആരോപണങ്ങള്‍ സി പി എം കേന്ദ്രങ്ങളെ തന്നെ ഞെട്ടിച്ചിരിക്കെ പുതിയ ഫേസ്ബുക് പോസ്റ്റുമായി പി വി അന്‍വര്‍.
തന്നെ താന്‍ ആക്കി മാറ്റിയ പ്രസ്ഥാനമാണ് സിപിഐഎം എന്നു പറയുന്ന അന്‍വര്‍ പാര്‍ട്ടി അംഗത്വമില്ലെങ്കിലും സാധാരണക്കാരായ പാര്‍ട്ടി അണികള്‍ക്കിടയില്‍ ഒരാളായി താനുമുണ്ടെന്ന് പറയുന്നു. മരണം വരെ ഈ ചെങ്കൊടി തണലില്‍ തന്നെ ഉണ്ടാകുമെന്നും പിവി അന്‍വര്‍ ഫേസ്ബുക്കില്‍ കുറിച്ചു
എം ആര്‍ അജിത് കുമാര്‍ ഏറ്റവും വലിയ ദേശദ്രോഹിയാണ്. ദാവൂദ് ഇബ്രാഹിം ആണ് അജിത്കുമാറിന്റെ റോള്‍ മോഡലെന്നാണ് പത്രസമ്മേളനത്തില്‍ പി വി അന്‍വര്‍ ആരോപിച്ചത്.മുഖ്യമന്ത്രി ഏല്‍പ്പിച്ച ദൗത്യം പൊലീസ് ഉദ്യോഗസ്ഥര്‍ സത്യസന്ധമായി നിര്‍വഹിച്ചോ എന്നാണ് തന്റെ ചോദ്യമെന്ന് എം എല്‍ എ പറഞ്ഞു.
മുഖ്യമന്ത്രി പറയുന്നത് കേള്‍ക്കാതെ ഇല്ലായ്മ ചെയ്യാന്‍ പ്രവര്‍ത്തിക്കുന്ന ഒരു ഗ്രൂപ്പാണ് എം.ആര്‍ അജിത് കുമാര്‍ ഉള്‍പ്പെടെയുളളവരെന്നും അന്‍വര്‍ ആരോപിച്ചു.
പ്രതികരിക്കാൻ ഇവിടെ എഴുതുക: