തിരുവനന്തപുരം: ഹൈടെക് ലാബ് പദ്ധതി പ്രകാരം 2019ല്‍ സര്‍ക്കാര്‍-എയ്ഡഡ് മേഖലകളിലെ 11226 പ്രൈമറി-അപ്പര്‍ പ്രൈമറി വിഭാഗം സ്‌കൂളുകളില്‍ കേരള ഇന്‍ഫ്രാസ്ട്രക്ചര്‍ ആന്റ് ടെക്നോളജി ഫോര്‍ എഡ്യൂക്കേഷന്‍ (കൈറ്റ്) വിന്യസിച്ച 79571 ഹൈടെക് ഉപകരണങ്ങള്‍ക്ക് എ.എം.സി. നിലവില്‍ വന്നു. 2018 – 19 കാലയളവില്‍ ഹൈസ്‌ക്കൂള്‍, ഹയര്‍ സെക്കന്ററി-വൊക്കേഷണല്‍ ഹയര്‍ സെക്കന്ററി വിഭാഗത്തിലെ സര്‍ക്കാര്‍-എയ്ഡഡ് സ്‌കൂളുകളിലെ 62677 ലാപ്ടോപ്പുകള്‍ക്കും 42866 പ്രൊജക്ടറുകള്‍ക്കും 2023 ഏപ്രില്‍ മുതല്‍ കൈറ്റ് എ.എം.സി. ഏര്‍പ്പെടുത്തിയിട്ടുണ്ട്. ഇതോടെ സംസ്ഥാനത്തെ ഒന്ന് മുതല്‍ പന്ത്രണ്ട് വരെ ക്ലാസ്സുകളിലെ പൊതു വിദ്യാലയങ്ങളിലെ 118082 ലാപ്ടോപ്പുകളും 67032 പ്രോജെക്ടറുകളും ഉള്‍പ്പടെ 185114 ഹൈടെക് ഉപകരണങ്ങളും എഎംസിയുടെ പരിധിയിലായി.
എ.എം.സി. കാലയളവില്‍ ഹാര്‍ഡ്വെയര്‍ പരാതികള്‍ ഉണ്ടായാല്‍ www.kite.kerala.gov.in/support എന്ന പുതിയ പോര്‍ട്ടലില്‍ പ്രഥമാധ്യാപകര്‍ രജിസ്റ്റര്‍ ചെയ്യേണ്ടതാണ്. രജിസ്റ്റര്‍ ചെയ്യുന്ന പരാതികള്‍ നിശ്ചിത ദിവസത്തിനുള്ളില്‍ അറ്റന്‍ഡ് ചെയ്തില്ലെങ്കിലും പരിഹരിച്ചില്ലെങ്കിലും കരാറുകാരന്‍ പിഴ നല്‍കണം. എ.എം.സി. പരിരക്ഷയ്‌ക്ക് പുറമെ പ്രകൃതിക്ഷോഭംമൂലമുള്ള കേടുപാടുകള്‍, മോഷണം തുടങ്ങിയവയ്‌ക്ക് ഇന്‍ഷുറന്‍സ് പരിരക്ഷയും കൈറ്റ് ഏര്‍പ്പെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: