ആലപ്പുഴ: മുകേഷിന്റെ രാജി വിഷയത്തില് സിപിഐയിലും കടുത്ത ഭിന്നത. ദേശീയ നേതാവ് ആനിരാജയുടെ നിലപാടിനെ സംസ്ഥാന സെക്രട്ടറി ബിനോയ് വിശ്വം തള്ളിപ്പറഞ്ഞു. മുകേഷ് രാജിവെക്കണമെന്നായിരുന്നു ആനി രാജ കഴിഞ്ഞദിവസം പറഞ്ഞത്. എന്നാല് സംസ്ഥാന സെക്രട്ടറി ഈ നിലപാട് തള്ളി. പാര്ട്ടിയുടെ നിലപാട് സംസ്ഥാന സെക്രട്ടറിയാണ് പറയേണ്ടതെന്നും ബിനോയ് വിശ്വം മാദ്ധ്യമങ്ങളോട് പ്രതികരിച്ചു.
സിപിഐയില് ആശയക്കുഴപ്പമില്ല. ദേശീയ, സംസ്ഥാനതലങ്ങളില് രണ്ട് കാഴ്ചപ്പാട് സിപിഐക്കില്ല. കേരളത്തിലെ സിപിഐ നിലപാട് പറയേണ്ടത് സംസ്ഥാന സെക്രട്ടറിയാണ്. ഇതെല്ലാം പാര്ട്ടിക്ക് അകത്തുള്ള അടിസ്ഥാനപാഠങ്ങളാണ്. ആനിരാജ എന്എഫ്ഐഡബ്ല്യു നേതാവും പാര്ട്ടി ദേശീയ സെക്രട്ടറിയേറ്റ് അംഗവുമാണ്.
മുകേഷിന്റെ രാജി സംബന്ധിച്ച് സിപിഐയുടെ അഭിപ്രായം നേരത്തെ പറഞ്ഞു കഴിഞ്ഞു.
ഇടതുപക്ഷ മൂല്യങ്ങളെ ഉയര്ത്തിപ്പിടിക്കാന് പ്രതിജ്ഞാബദ്ധമാണ് സിപിഎമ്മും, സിപിഐയും. മുകേഷിന്റെ രാജി വിഷയത്തില് സിപിഎമ്മും സിപിഐയും തമ്മില് തര്ക്കം ഉണ്ടാകുമെന്ന വ്യാമോഹം വേണ്ട. ഇടതുമുന്നണിയില് അഭിപ്രായവ്യത്യാസമില്ലെന്നും അദ്ദേഹം പറഞ്ഞു.
